ایک ہی مژدہ صبح لاتی ہے — جون ایلیا
شاعر
ایک ہی مژدہ صبح لاتی ہے
ایک ہی مژدہ صبح لاتی ہے
دھوپ آنگن میں پھیل جاتی ہے
رنگ موسم ہے اور باد صبا
شہر کوچوں میں خاک اڑاتی ہے
فرش پر کاغذ اڑتے پھرتے ہیں
میز پر گرد جمتی جاتی ہے
سوچتا ہوں کہ اس کی یاد آخر
اب کسے رات بھر جگاتی ہے
میں بھی اذن نوا گری چاہوں
بے دلی بھی تو لب ہلاتی ہے
سو گئے پیڑ جاگ اٹھی خوشبو
زندگی خواب کیوں دکھاتی ہے
اس سراپا وفا کی فرقت میں
خواہش غیر کیوں ستاتی ہے
آپ اپنے سے ہم سخن رہنا
ہم نشیں سانس پھول جاتی ہے
کیا ستم ہے کہ اب تری صورت
غور کرنے پہ یاد آتی ہے
کون اس گھر کی دیکھ بھال کرے
روز اک چیز ٹوٹ جاتی ہے
Ek hi mujda subah laati hai
Ek hi mujda subah laati hai
Dhoop aangan mein phail jaati hai
Rang-e-mausam hai aur baad-e-sabā
Shehr kuchon mein khaak uRaati hai
Farsh par kaaghaz uRte phirte hain
Mez par gard jamti jaati hai
Sochta hoon ke us ki yaad aakhir
Ab kise raat bhar jagāti hai
Main bhi izn-e-nawa-gari chahoon
Be-dili bhi toh lab hilāti hai
So gaye peR jaag uThi khushboo
Zindagi khwab kyūn dikhāti hai
Us sarāpā-e-wafa ki furqat mein
Khwahish-e-ghair kyūn satati hai
Aap apne se ham-sukhan rehna
Ham-nasheen saans phool jaati hai
Kya sitam hai ke ab teri soorat
Ghaur karne pe yaad aati hai
Kaun us ghar ki dekh-bhaal kare
Roz ik cheez toot jaati hai
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں