گھر سے ہم گھر تلک گئے ہوں گے — جون ایلیا
شاعر
گھر سے ہم گھر تلک گئے ہوں گے
گھر سے ہم گھر تلک گئے ہوں گے
اپنے ہی آپ تک گئے ہوں گے
ہم جو اب آدمی ہیں پہلے کبھی
جام ہوں گے چھلک گئے ہوں گے
وہ بھی اب ہم سے تھک گیا ہوگا
ہم بھی اب اس سے تھک گئے ہوں گے
شب جو ہم سے ہوا معاف کرو
نہیں پی تھی بہک گئے ہوں گے
کتنے ہی لوگ حرص شہرت میں
دار پر خود لٹک گئے ہوں گے
شکر ہے اس نگاہ کم کا میاں
پہلے ہی ہم کھٹک گئے ہوں گے
ہم تو اپنی تلاش میں اکثر
از سما تا سمک گئے ہوں گے
اس کا لشکر جہاں تہاں یعنی
ہم بھی بس بے کمک گئے ہوں گے
جونؔ اللہ اور یہ عالم
بیچ میں ہم اٹک گئے ہوں گے
Ghar se hum ghar talak gaye honge
Ghar se hum ghar talak gaye honge
Apne hi aap tak gaye honge
Hum jo ab aadmi hain pehle kabhi
Jaam honge chhalk gaye honge
Woh bhi ab hum se thak gaya hoga
Hum bhi ab us se thak gaye honge
Shab jo hum se hua muaaf karo
Nahin pee thi behak gaye honge
Kitne hi log hirs-e-shohrat mein
Daar par khud laTak gaye honge
Shukr hai us nigāh-e-kam ka miyaan
Pehle hi hum khaTak gaye honge
Hum toh apni talāsh mein aksar
Az samā ta samak gaye honge
Us ka lashkar jahaan tahaan ya'ni
Hum bhi bas be-kumak gaye honge
Jaun Allāh aur yeh aalam
Beech mein hum aTak gaye honge
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں