خوب ہے شوق کا یہ پہلو بھی — جون ایلیا
شاعر
خوب ہے شوق کا یہ پہلو بھی
خوب ہے شوق کا یہ پہلو بھی
میں بھی برباد ہو گیا تو بھی
حسن مغموم تمکنت میں تری
فرق آیا نہ یک سر مو بھی
یہ نہ سوچا تھا زیر سایۂ زلف
کہ بچھڑ جائے گی یہ خوش بو بھی
حسن کہتا تھا چھیڑنے والے
چھیڑنا ہی تو بس نہیں چھو بھی
ہائے وہ اس کا موج خیز بدن
میں تو پیاسا رہا لب جو بھی
یاد آتے ہیں معجزے اپنے
اور اس کے بدن کا جادو بھی
یاسمیں اس کی خاص محرم راز
یاد آیا کرے گی اب تو بھی
یاد سے اس کی ہے مرا پرہیز
اے صبا اب نہ آئیو تو بھی
ہیں یہی جونؔ ایلیا جو کبھی
سخت مغرور بھی تھے بد خو بھی
Khoob hai shauq ka yeh pehlū bhi
Khoob hai shauq ka yeh pehlū bhi
Main bhi barbaad ho gaya tu bhi
Husn-e-maghmoom tamkanat mein teri
Farq aaya na yak sar-e-mo bhi
Yeh na socha tha zer-e-sāya-e-zulf
Ke bichhaR jaayegi yeh khushboo bhi
Husn kehta تھا chheRne wale
ChheRna hi toh bas nahin chhoo bhi
Haaye woh us ka mauj-khez badan
Main toh pyaasa raha lab-e-joo bhi
Yaad aate hain mo'jize apne
Aur us ke badan ka jādū bhi
Yāsmeen us ki khaas mahram-e-rāz
Yaad aaya karegi ab tu bhi
Yaad se us ki hai mera parhez
Ae sabā ab na aaiyo tu bhi
Hain yehi Jaun Eliya jo kabhi
Sakht maghroor bhi the bad-kho bhi
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں