سینہ دہک رہا ہو تو کیا چپ رہے کوئی — جون ایلیا
شاعر
سینہ دہک رہا ہو تو کیا چپ رہے کوئی
سینہ دہک رہا ہو تو کیا چپ رہے کوئی
کیوں چیخ چیخ کر نہ گلا چھیل لے کوئی
ثابت ہوا سکون دل و جاں کہیں نہیں
رشتوں میں ڈھونڈھتا ہے تو ڈھونڈا کرے کوئی
ترک تعلقات کوئی مسئلہ نہیں
یہ تو وہ راستہ ہے کہ بس چل پڑے کوئی
دیوار جانتا تھا جسے میں وہ دھول تھی
اب مجھ کو اعتماد کی دعوت نہ دے کوئی
میں خود یہ چاہتا ہوں کہ حالات ہوں خراب
میرے خلاف زہر اگلتا پھرے کوئی
اے شخص اب تو مجھ کو سبھی کچھ قبول ہے
یہ بھی قبول ہے کہ تجھے چھین لے کوئی
ہاں ٹھیک ہے میں اپنی انا کا مریض ہوں
آخر مرے مزاج میں کیوں دخل دے کوئی
اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی
Seena dehak raha ho toh kya chup rahe koi
Seena dehak raha ho toh kya chup rahe koi
Kyūn cheekh cheekh kar na gala chheel le koi
Sābit hua sukoon-e-dil-o-jaan kahin nahin
Rishtoñ mein dhūnDh'ta hai toh dhūnDha kare koi
Tark-e-ta'alluqāt koi mas'ala nahin
Yeh toh woh raasta hai ke bas chal paRe koi
Deewar jaanta tha jise main woh dhool thi
Ab mujh ko e'timād ki da'wat na de koi
Main khud yeh chaahta hoon ke hālāt hoñ kharāb
Mere khilāf zehr ugalta phire koi
Ae shakhs ab toh mujh ko sabhi kuch qabool hai
Yeh bhi qabool hai ke tujhe chheen le koi
Haan theek hai main apni ana ka mareez hoon
Aakhir mere mizāj mein kyūn dakhl de koi
Ik shakhs kar raha hai abhi tak wafa ka zikr
Kaash us zabān-darāz ka munh noch le koi
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں