شرمندگی ہے ہم کو بہت ہم ملے تمہیں — جون ایلیا
شاعر
شرمندگی ہے ہم کو بہت ہم ملے تمہیں
شرمندگی ہے ہم کو بہت ہم ملے تمہیں
تم سر بہ سر خوشی تھے مگر غم ملے تمہیں
میں اپنے آپ میں نہ ملا اس کا غم نہیں
غم تو یہ ہے کہ تم بھی بہت کم ملے تمہیں
ہے جو ہمارا ایک حساب اس حساب سے
آتی ہے ہم کو شرم کہ پیہم ملے تمہیں
تم کو جہان شوق و تمنا میں کیا ملا
ہم بھی ملے تو درہم و برہم ملے تمہیں
اب اپنے طور ہی میں نہیں تم سو کاش کہ
خود میں خود اپنا طور کوئی دم ملے تمہیں
اس شہر حیلہ جو میں جو محرم ملے مجھے
فریاد جان جاں وہی محرم ملے تمہیں
دیتا ہوں تم کو خشکئ مژگاں کی میں دعا
مطلب یہ ہے کہ دامن پر نم ملے تمہیں
میں ان میں آج تک کبھی پایا نہیں گیا
جاناں جو میرے شوق کے عالم ملے تمہیں
تم نے ہمارے دل میں بہت دن سفر کیا
شرمندہ ہیں کہ اس میں بہت خم ملے تمہیں
یوں ہو کہ اور ہی کوئی حوا ملے مجھے
ہو یوں کہ اور ہی کوئی آدم ملے تمہیں
Sharmindagi hai hum ko bahut hum mile tumhein
Sharmindagi hai hum ko bahut hum mile tumhein
Tum sar ba sar khushi the magar gham mile tumhein
Main apne aap mein na mila us ka gham nahin
Gham toh yeh hai ke tum bhi bahut kam mile tumhein
Hai jo hamara ek hisāb us hisāb se
Aati hai hum ko sharm ke paiham mile tumhein
Tum ko jahaan shauq o tamanna mein kya mila
Hum bhi mile toh darham o barham mile tumhein
Ab apne taur hi mein nahin tum so kaash ke
Khud mein khud apna taur koi dam mile tumhein
Is shehr-e-heela-jū mein jo mahram mile mujhe
Fariyād jaan-e-jaan wohi mahram mile tumhein
Deta hoon tum ko khushkī-e-mizhgaañ ki main dua
Matlab yeh hai ke daman par nam mile tumhein
Main in mein aaj tak kabhi pāya nahin gaya
Jaanañ jo mere shauq ke aalam mile tumhein
Tum ne hamare dil mein bahut din safar kiya
Sharminda hain ke is mein bahut kham mile tumhein
Yūn ho ke aur hi koi Hawwā mile mujhe
Ho yūn ke aur hi koi Ādam mile tumhein
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں