ٹھیک ہے خود کو ہم بدلتے ہیں — جون ایلیا
شاعر
ٹھیک ہے خود کو ہم بدلتے ہیں
ٹھیک ہے خود کو ہم بدلتے ہیں
شکریہ مشورت کا چلتے ہیں
ہو رہا ہوں میں کس طرح برباد
دیکھنے والے ہاتھ ملتے ہیں
ہے وہ جان اب ہر ایک محفل کی
ہم بھی اب گھر سے کم نکلتے ہیں
کیا تکلف کریں یہ کہنے میں
جو بھی خوش ہے ہم اس سے جلتے ہیں
ہے اسے دور کا سفر در پیش
ہم سنبھالے نہیں سنبھلتے ہیں
تم بنو رنگ تم بنو خوشبو
ہم تو اپنے سخن میں ڈھلتے ہیں
میں اسی طرح تو بہلتا ہوں
اور سب جس طرح بہلتے ہیں
ہے عجب فیصلے کا صحرا بھی
چل نہ پڑیے تو پاؤں جلتے ہیں
Theek hai khud ko hum badalte hain
Theek hai khud ko hum badalte hain
Shukriya mashwarat ka chalte hain
Ho raha hoon main kis tarah barbaad
Dekhne wale haath malte hain
Hai woh jaan ab har ek mahfil ki
Hum bhi ab ghar se kam nikalte hain
Kya takalluf karein yeh kehne mein
Jo bhi khush hai hum us se jalte hain
Hai use door ka safar dar pesh
Hum sambhale nahin sambhalte hain
Tum bano rang tum bano khushboo
Hum toh apne sukhan mein dhalte hain
Main isi tarah toh behalta hoon
Aur sab jis tarah behalte hain
Hai ajab faisle ka sehra bhi
Chal na paRiye toh paaon jalte hain
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں