برگد — جاوید اختر
شاعر
برگد
میرے رستے میں اک موڑ تھا
اور اس موڑ پر
پیڑ تھا ایک برگد کا
اونچا
گھنا
جس کے سائے میں میرا بہت وقت بیتا ہے
لیکن ہمیشہ یہی میں نے سوچا
کہ رستے میں یہ موڑ ہی اس لیے ہے
کہ یہ پیڑ ہے
عمر کی آندھیوں میں
وہ پیڑ ایک دن گر گیا ہے
موڑ لیکن ہے اب تک وہیں کا وہیں
دیکھتا ہوں تو
آگے بھی رستے میں
بس موڑ ہی موڑ ہیں
پیڑ کوئی نہیں
راستوں میں مجھے یوں تو مل جاتے ہیں مہرباں
پھر بھی ہر موڑ پر
پوچھتا ہے یہ دل
وہ جو اک چھاؤں تھی
کھو گئی ہے کہاں
Bargad
Mere raste mein ik morh tha
Aur us morh par
Perh tha ek bargad ka
Ooncha
Ghana
Jis ke saaye mein mera bahut waqt beeta hai
Lekin hamesha yehi main ne socha
Ke raste mein ye morh hi is liye hai
Ke ye perh hai
Umar ki aandhiyon mein
Woh perh ek din gir gaya hai
Morh lekin hai ab tak wahin ka wahin
Dekhta hoon to
Aage bhi raste mein
Bas morh hi morh hain
Perh koi nahin
Raaston mein mujhe yun to mil jaate hain mehrbaan
Phir bhi har morh par
Poochhta hai ye dil
Woh jo ik chhaon thi
Kho gayi hai kahan
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں