ایک شاعر دوست سے — جاوید اختر
شاعر
ایک شاعر دوست سے
گھر میں بیٹھے ہوئے کیا لکھتے ہو
باہر نکلو
دیکھو کیا حال ہے دنیا کا
یہ کیا عالم ہے
سونی آنکھیں ہیں
سبھی خوشیوں سے خالی جیسے
آؤ ان آنکھوں میں خوشیوں کی چمک ہم لکھ دیں
یہ جو ماتھے ہیں
اداسی کی لکیروں کے تلے
آؤ ان ماتھوں پہ قسمت کی دمک ہم لکھ دیں
چہروں سے گہری یہ مایوسی مٹا کے
آؤ
ان پہ امید کی اک اجلی کرن ہم لکھ دیں
دور تک جو ہمیں ویرانے نظر آتے ہیں
آؤ ویرانوں پر اب ایک چمن ہم لکھ دیں
لفظ در لفظ سمندر سا بہے
موج بہ موج
بحر نغمات میں
ہر کوہ ستم حل ہو جائے
دنیا دنیا نہ رہے ایک غزل ہو جائے
Ek Shaayar Dost Se
Ghar mein baithe hue kya likhte ho
Baahar niklo
Dekho kya haal hai duniya ka
Yeh kya aalam hai
Sooni aankhein hain
Sabhi khushiyon se khaali jaise
Aao un aankhoñ mein khushiyon ki chamak hum likh deñ
Yeh jo maathe hain
Udaasi ki lakeeroñ ke tale
Aao un maathoñ pe qismat ki damak hum likh deñ
Chehroñ se gahri yeh mayoosi mita ke
Aao
Un pe ummeed ki ik ujli kiran hum likh deñ
Door tak jo hameiñ veeraane nazar aate hain
Aao veeraanoñ par ab ek chaman hum likh deñ
Lafz dar lafz samandar sa bahe
Mauj ba mauj
Bahr-e-naghmaat meiñ
Har koh-e-sitam hal ho jaa'e
Duniya duniya na rahe ek ghazal ho jaa'e
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں