ہمسائے کے نام — جاوید اختر
شاعر
ہمسائے کے نام
کچھ تم نے کہا
کچھ میں نے کہا
اور بڑھتے بڑھتے بات بڑھی
دل اوب گیا
دل ڈوب گیا
اور گہری کالی رات بڑھی
تم اپنے گھر
میں اپنے گھر
سارے دروازے بند کئے
بیٹھے ہیں کڑوے گھونٹ پئے
اوڑھے ہیں غصے کی چادر
کچھ تم سوچو
کچھ میں سوچوں
کیوں اونچی ہیں یہ دیواریں
کب تک ہم ان پر سر ماریں
کب تک یہ اندھیرے رہنے ہیں
کینہ کے یہ گھیرے رہنے ہیں
چلو اپنے دروازے کھولیں
اور گھر کے باہر آئیں ہم
دل ٹھہرے جہاں ہیں برسوں سے
وہ اک نکڑ ہے نفرت کا
کب تک اس نکڑ پر ٹھہریں
اب اس کے آگے جائیں ہم
بس تھوڑی دور اک دریا ہے
جہاں ایک اجالا بہتا ہے
واں لہروں لہروں ہیں کرنیں
اور کرنوں کرنوں ہیں لہریں
ان کرنوں میں
ان لہروں میں
ہم دل کو خوب نہانے دیں
سینوں میں جو اک پتھر ہے
اس پتھر کو گھل جانے دیں
دل کے اک کونے میں بھی چھپی
گر تھوڑی سی بھی نفرت ہے
اس نفرت کو دھل جانے دیں
دونوں کی طرف سے جس دن بھی
اظہار ندامت کا ہوگا
تب جشن محبت کا ہوگا
Hamsaaye Ke Naam
Kuchh tum ne kaha
Kuchh maiñ ne kaha
Aur baṛhte baṛhte baat baṛhi
Dil oob gaya
Dil ḍoob gaya
Aur gahri kaali raat baṛhi
Tum apne ghar
Maiñ apne ghar
Saare darwaaze band kiye
Baiṭhe hain kaṛwe ghooñṭ piye
Oṛhe hain ghusse ki chaadar
Kuchh tum socho
Kuchh maiñ sochhooñ
Kyoñ oonchi hain yeh deewareiñ
Kab tak hum un par sar maarein
Kab tak yeh andhere rahne hain
Keena ke yeh ghere rahne hain
Chalo apne darwaaze kholeiñ
Aur ghar ke baahar aa'eiñ hum
Dil ṭhahre jahaañ hain barsoñ se
Woh ik nukaṛ hai nafrat ka
Kab tak us nukaṛ par ṭhahreiñ
Ab us ke aage jaa'eiñ hum
Bas thoṛi door ik darya hai
Jahaañ ek ujaala bahta hai
Waañ lehroñ lehroñ hain kirneiñ
Aur kirnoñ kirnoñ hain lehreiñ
In kirnoñ meiñ
In lehroñ meiñ
Hum dil ko khoob nahaane deñ
Seenoñ meiñ jo ik patthar hai
Us patthar ko ghul jaane deñ
Dil ke ik kone meiñ bhi chhupi
Gar thoṛi si bhi nafrat hai
Us nafrat ko dhul jaane deñ
Donoñ ki taraf se jis din bhi
Izhaar-e-nadaamat ka hoga
Tab jashn-e-mohabbat ka hoga
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں