معمہ — جاوید اختر
شاعر
معمہ
ہم دونوں جو حرف تھے
ہم اک روز ملے
اک لفظ بنا
اور ہم نے اک معنی پائے
پھر جانے کیا ہم پر گزری
اور اب یوں ہے
تم اب حرف ہو
اک خانے میں
میں اک حرف ہوں
اک خانے میں
بیچ میں
کتنے لمحوں کے خانے خالی ہیں
پھر سے کوئی لفظ بنے
اور ہم دونوں اک معنی پائیں
ایسا ہو سکتا ہے
لیکن سوچنا ہوگا
ان خالی خانوں میں ہم کو بھرنا کیا ہے
Mu'amma
Hum donoñ jo harf thhe
Hum ik roz mile
Ik lafz bana
Aur hum ne ik ma'ani paaye
Phir jaane kya hum par guzri
Aur ab yooñ hai
Tum ab harf ho
Ik khaane meiñ
Maiñ ik harf hooñ
Ik khaane meiñ
Beech meiñ
Kitne lamhoñ ke khaane khaali haiñ
Phir se koi lafz bane
Aur hum donoñ ik ma'ani paa'eñ
Aisa ho sakta hai
Lekin sochna hoga
Un khaali khaanoñ meiñ hum ko bharna kya hai
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں