شبانہ — جاوید اختر
شاعر
شبانہ
یہ آئے دن کے ہنگامے
یہ جب دیکھو سفر کرنا
یہاں جانا وہاں جانا
اسے ملنا اسے ملنا
ہمارے سارے لمحے
ایسے لگتے ہیں
کہ جیسے ٹرین کے چلنے سے پہلے
ریلوے اسٹیشن پر
جلدی جلدی اپنے ڈبے ڈھونڈتے
کوئی مسافر ہوں
جنہیں کب سانس بھی لینے کی مہلت ہے
کبھی لگتا ہے
تم کو مجھ سے مجھ کو تم سے ملنے کا
خیال آئے
کہاں اتنی بھی فرصت ہے
مگر جب سنگ دل دنیا میرا دل توڑتی ہے تو
کوئی امید چلتے چلتے
جب منہ موڑتی ہے تو
کبھی کوئی خوشی کا پھول
جب اس دل میں کھلتا ہے
کبھی جب مجھ کو اپنے ذہن سے
کوئی خیال انعام ملتا ہے
کبھی جب اک تمنا پوری ہونے سے
یہ دل خالی سا ہوتا ہے
کبھی جب درد آ کے پلکوں پہ موتی پروتا ہے
تو یہ احساس ہوتا ہے
خوشی ہو غم ہو حیرت ہو
کوئی جذبہ ہو
اس میں جب کہیں اک موڑ آئے تو
وہاں پل بھر کو
ساری دنیا پیچھے چھوٹ جاتی ہے
وہاں پل بھر کو
اس کٹھ پتلی جیسی زندگی کی
ڈوری ٹوٹ جاتی ہے
مجھے اس موڑ پر
بس اک تمہاری ہی ضرورت ہے
مگر یہ زندگی کی خوب صورت اک حقیقت ہے
کہ میری راہ میں جب ایسا کوئی موڑ آیا ہے
تو ہر اس موڑ پر میں نے
تمہیں ہمراہ پایا ہے
Shabana
Yeh aaye din ke hangame
Yeh jab dekho safar karna
Yahan jaana wahan jaana
Use milna use milna
Hamare saare lamhe
Aise lagte hain
Ke jaise train ke chalne se pehle
Railway station par
Jaldi jaldi apne dabbe dhoondhte
Koi musafir hoon
Jinhein kab saans bhi lene ki mohlat hai
Kabhi lagta hai
Tum ko mujh se mujh ko tum se milne ka
Khayaal aaye
Kahan itni bhi fursat hai
Magar jab sang dil dunya mera dil todti hai toh
Koi umeed chalte chalte
Jab munh modti hai toh
Kabhi koi khushi ka phool
Jab is dil mein khulta hai
Kabhi jab mujh ko apne zehn se
Koi khayaal inaam milta hai
Kabhi jab ek tamanna poori hone se
Yeh dil khaali sa hota hai
Kabhi jab dard aa ke palkon pe moti parota hai
Toh yeh ehsaas hota hai
Khushi ho gham ho hairat ho
Koi jazba ho
Is mein jab kahin ek mod aaye toh
Wahan pal bhar ko
Saari dunya peechhe chhoot jaati hai
Wahan pal bhar ko
Is kathputli jaisi zindagi ki
Dori toot jaati hai
Mujhe is mod par
Bas ek tumhari hi zaroorat hai
Magar yeh zindagi ki khoobsurat ek haqeeqat hai
Ke meri raah mein jab aisa koi mod aaya hai
Toh har us mod par main ne
Tumhein humraah paya hai
شاعر کے بارے میں
جاوید اختر برصغیر کے اُن ممتاز ادیبوں میں شمار ہوتے ہیں جنہوں نے شاعری، نغمہ نگاری اور فلمی کہانی نویسی کے میدان میں غیر معمولی مقام حاصل کیا۔ وہ 1...
مکمل تعارف پڑھیں