ایک تصویر کہ اوّل نہیں دیکھی جاتی — جواد شیخ
شاعر
ایک تصویر کہ اوّل نہیں دیکھی جاتی
ایک تصویر کہ اوّل نہیں دیکھی جاتی
دیکھ بھی لُوں تو مسلسل نہیں دیکھی جاتی
دیکھی جاتی ہے محبّت میں ہر اِک جنبش ِ دل
صرف سانسوں کی ریہرسل نہیں دیکھی جاتی
اِک تو ویسے بڑی تاریک ہے خواہش نگری
پھر طویل اتنی کہ پیدل نہیں دیکھی جاتی
ایسا کچھ ہے بھی نہیں جس سے تجھے بہلاؤں
یہ اداسی بھی مسلسل نہیں دیکھی جاتی
سامنے اِک وہی صورت نہیں رہتی اکثر
جو کبھی آنکھ سے اوجھل نہیں دیکھی جاتی
میں نے اِک عمر سے بٹوے میں سنبھالی ہوئی ہے
وہی تصویر جو اِک پل نہیں دیکھی جاتی
اب مرا دھیان کہیں اور چلا جاتا ہے
اب کوئی فلم مکمّل نہیں دیکھی جاتی
اِک مقام ایسا بھی آتا ہے سفر میں جوّاد
سامنے ہو بھی تو دلدل نہیں دیکھی جاتی
Ek tasvīr ke awwal nahīñ dekhī jātī
Ek tasvīr ke awwal nahīñ dekhī jātī
Dekh bhi lūñ to musalsal nahīñ dekhī jātī
Dekhī jātī hai muhabbat mein har ik jumbish-e-dil
Sirf sāñsoñ kī rehearsal nahīñ dekhī jātī
Ik to waise baṛī tārīk hai khwāhish nagrī
Phir tawīl itnī ke paidal nahīñ dekhī jātī
Aisā kuch hai bhi nahīñ jis se tujhe behlāūñ
Yeh udāsī bhi musalsal nahīñ dekhī jātī
Sāmne ik wahi sūrat nahīñ rahti aksar
Jo kabhi āñkh se ojhal nahīñ dekhī jātī
Maiñ ne ik umr se baṭwe mein sambhālī hui hai
Wahi tasvīr jo ik pal nahīñ dekhī jātī
Ab mirā dhyān kahīñ aur chalā jātā hai
Ab koi film mukammal nahīñ dekhī jātī
Ik maqām aisā bhi ātā hai safar mein Jawwādؔ
Sāmne ho bhi to daldal nahīñ dekhī jātī
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں