ہجر کی راہ کسی کے لیے آسان نہیں — جواد شیخ
شاعر
ہجر کی راہ کسی کے لیے آسان نہیں
ہجر کی راہ کسی کے لیے آسان نہیں
منع کرتا ہوں تو ہو جایا کرو جان نہیں
اب میں چپ چاپ یہی دیکھ رہا ہوتا ہوں
کون اس بزم میں کس بات پہ حیران نہیں
اس کو چھوڑا ہے بہت سوچ سمجھ کر میں نے
سو پریشان تو رہتا ہوں پشیمان نہیں
شاید اچھا ہی کیا ان سنی کر کے اس نے
بات سادہ تو بہت تھی مگر آسان نہیں
کام تو اور بھی کرنے کو بہت ہیں لیکن
شعر گوئی کے علاوہ مرے شایان نہیں
آخری دن ہیں مہینے کے تجھے کیا معلوم
تو سمجھتا ہے کہ اک تیری طرف دھیان نہیں
ہم یہاں اور ہی کچھ سوچ کے آئے تھے مگر
اس خرابے میں ضرورت کا بھی سامان نہیں
شے تو اچھی ہے میانہ روی لیکن جوادؔ
اس میں کیا نفع ہے جس میں کوئی نقصان نہیں
Hijr kī rāh kisi ke liye āsān nahīñ
Hijr kī rāh kisi ke liye āsān nahīñ
Mana karta huñ to ho jaaya karo jaan nahīñ
Ab maiñ chup chāp yahī dekh rahā hotā huñ
Kaun is bazm mein kis baat pe hairān nahīñ
Us ko chhoṛā hai bahut soch samajh kar maiñ ne
So pareshān to rahtā huñ pashīmān nahīñ
Shāyad acchā hi kiyā ansuni kar ke us ne
Baat sādah to bahut thī magar āsān nahīñ
Kaam to aur bhi karne ko bahut haiñ lekin
She'r goī ke ilāwah mere shāyān nahīñ
Ākhiri din haiñ mahīne ke tujhe kya ma'lūm
Tu samajhtā hai ke ek terī taraf dhyān nahīñ
Hum yahāñ aur hi kuch soch ke āye the magar
Is khrābe mein zarūrat ka bhi sāmān nahīñ
Shay to acchī hai miyāna-ravī lekin Jawādؔ
Is mein kya naf'a hai jis mein koi nuqsān nahīñ
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں