مولا کسی کو ایسا مقدر نہ دیجیو — جواد شیخ
شاعر
مولا کسی کو ایسا مقدر نہ دیجیو
مولا کسی کو ایسا مقدر نہ دیجیو
دلبر نہیں تو پھر کوئی دیگر نہ دیجیو
اپنے سوال سہل نہ لگنے لگیں اسے
آتے بھی ہوں جواب تو فر فر نہ دیجیو
چادر وہ دیجیو اسے جس پر شکن نہ آئے
جس پر شکن نہ آئے وہ بستر نہ دیجیو
آئے نہ کار شکر گزاری پہ کوئی حرف
جب دیجیو تو ظرف سے بڑھ کر نہ دیجیو
بکھراؤ کچھ نہیں بھی سمٹتے مرے عزیز
اپنے کسی خیال کو پیکر نہ دیجیو
تفریق رہنے دیجیو تعریف و طنز میں
اب کے شراب زہر ملا کر نہ دیجیو
یا دل سے ترک کیجیو دستار کا خیال
یا اس معاملے میں کبھی سر نہ دیجیو
کہیو کہ تو نے خوب بنائی ہے کائنات
لیکن اسے لکھائی کے نمبر نہ دیجیو
معیار سے سوا یہاں رفتار چاہیے
جوادؔ اس کو آخری اوور نہ دیجیو
Maula kisi ko aisa muqaddar na deejiyeo
Maula kisi ko aisa muqaddar na deejiyeo
Dilbar nahin to phir koi deegar na deejiyeo
Apne sawal sehal na lagne lagen use
Aate bhi hon jawab to far-far na deejiyeo
Chaadar wo deejiyeo use jis par shikan na aaye
Jis par shikan na aaye wo bistar na deejiyeo
Aaye na kaar-e-shukr guzari pe koi harf
Jab deejiyeo to zarf se badh kar na deejiyeo
Bikhraao kuch nahin bhi simatte mere aziz
Apne kisi khayal ko paikar na deejiyeo
Tafreeq rehne deejiyeo tareef o tanz mein
Ab ke sharab zehar mila kar na deejiyeo
Ya dil se tark keejiyeo dastaar ka khayal
Ya is mamle mein kabhi sar na deejiyeo
Kehiyo ke tune khoob banai hai kaynat
Lekin اسے likhai ke number na deejiyeo
Mayar se siwa yahan raftaar chahiye
Jawwad us ko aakhri over na deejiyeo
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں