مرے حواس پہ حاوی رہی کوئی کوئی بات — جواد شیخ
شاعر
مرے حواس پہ حاوی رہی کوئی کوئی بات
مرے حواس پہ حاوی رہی کوئی کوئی بات
کہ زندگی سے سوا خاص تھی کوئی کوئی بات
یہ اور بات کہ محسوس تک نہ ہونے دوں
جکڑ سی لیتی ہے دل کو تری کوئی کوئی بات
کوئی بھی تجھ سا مجھے ہو بہ ہو کہیں نہ ملا
کسی کسی میں اگرچہ ملی کوئی کوئی بات
خوشی ہوئی کہ ملاقات رائیگاں نہ گئی
اسے بھی میری طرح یاد تھی کوئی کوئی بات
بدن میں زہر کے مانند پھیل جاتی ہے
دلوں میں خوف سے سہمی ہوئی کوئی کوئی بات
کبھی سمجھ نہیں پائے کہ اس میں کیا ہے مگر
چلی تو ایسے کہ بس چل پڑی کوئی کوئی بات
وضاحتوں میں الجھ کر یہی کھلا جوادؔ
ضروری ہے کہ رہے ان کہی کوئی کوئی بات
Mere hawas pe haawi rahi koi koi baat
Mere hawas pe haawi rahi koi koi baat
Ke zindagi se siwa khaas thi koi koi baat
Yeh aur baat ke mehsoos tak na hone doon
Jakad si leti hai dil ko teri koi koi baat
Koi bhi tujh sa mujhe hu ba hu kahin na mila
Kisi kisi mein agarche mili koi koi baat
Khushi hui ke mulaqat raaigaan na gai
Use bhi meri tarah yaad thi koi koi baat
Badan mein zehar ke manind phail jaati hai
Dilon mein khauf se sehmi hui koi koi baat
Kabhi samajh nahin paye ke is mein kya hai magar
Chali to aise ke bas chal padi koi koi baat
Wazahaton mein ulajh kar yahi khula Jawwad
Zaroori hai ke rahe an-kahi koi koi baat
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں