نہ سہی عیش، گزارا ہی سہی — جواد شیخ
شاعر
نہ سہی عیش، گزارا ہی سہی
نہ سہی عیش، گزارا ہی سہی
یعنی گر تو نہیں دنیا ہی سہی
چھوڑیئے کچھ تو مرا بھی مجھ میں
خون کا آخری قطرہ ہی سہی
غور تو کیجے مری باتوں پر
عمر میں آپ سے چھوٹا ہی سہی
رنج ہم نے بھی جدا پائے ہیں
آپ یکتا ہیں تو یکتا ہی سہی
میں برا ہوں تو ہوں اب کیا کیجے
کوئی اچھا ہے تو اچھا ہی سہی
کس کو سینے سے لگاؤں ترے بعد
جاتے جاتے کوئی دھوکہ ہی سہی
کر کچھ ایسا کہ تجھے یاد رکھوں
بھول جانے کا تقاضا ہی سہی
تم پہ کب روک تھی چلتے جاتے
میری سوچوں پہ تو پہرہ ہی سہی
وہ کسی طور نہ ہوگا میرا
چلو ایسا ہے تو ایسا ہی سہی
سرخ کرنے لگی ہر شے جوادؔ
یاد کا رنگ سنہرا ہی سہی
Na sahi aish, guzara hi sahi
Na sahi aish, guzara hi sahi
Yaani gar tu nahin duniya hi sahi
Chhoriye kuch to mera bhi mujh mein
Khoon ka aakhri qatra hi sahi
Ghaur to keejiye meri baaton par
Umar mein aap se chhota hi sahi
Ranj hum ne bhi juda paye hain
Aap yakta hain to yakta hi sahi
Main bura hoon to hoon ab kya keejiye
Koi achha hai to achha hi sahi
Kis ko seene se lagaun tere baad
Jaate jaate koi dhoka hi sahi
Kar kuch aisa ke tujhe yaad rakhun
Bhool jaane ka taqaza hi sahi
Tum pe kab rok thi chalte jaate
Meri sochon pe to pehra hi sahi
Wo kisi taur na hoga mera
Chalo aisa hai to aisa hi sahi
Surkh karne lagi har shai Jawwad
Yaad ka rang sunehra hi sahi
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں