سنبھل نہیں گئی حضرت درست ہو گئی ہے — جواد شیخ
شاعر
سنبھل نہیں گئی حضرت درست ہو گئی ہے
سنبھل نہیں گئی حضرت درست ہو گئی ہے
بگڑ کے اور بھی حالت درست ہو گئی ہے
عجیب بات سنی ہے خدا معاف کرے
کہ آنجناب کی صحبت درست ہو گئی ہے
خراب شے ہوا کرتی تھی کوئی دن پہلے
تجھے ملی ہے تو شہرت درست ہو گئی ہے
نجانے کون مخاطب ہے ان دنوں مجھ سے
کوئی بھی ہو مری لکنت درست ہو گئی ہے
غلط تو خیر محبت میں اور کیا ہوتا
مگر یہ ہے کہ طبیعت درست ہو گئی ہے
ابھی گیا ہے مجھے کوستے ہوئے کوئی
کہ اس تئیں مری نیت درست ہو گئی ہے
کھلا کہ اس سے بچھڑنے کی دیر تھی جوادؔ
مری اک اور بھی عادت درست ہو گئی ہے
Sambhal nahīñ gaī Hazrat durust ho gaī hai
Sambhal nahīñ gaī Hazrat durust ho gaī hai
Bigarh ke aur bhi hālat durust ho gaī hai
Ajīb bāt sunī hai Khudā mu'āf kare
Ke āñ-janāb kī sohbat durust ho gaī hai
Kharāb shai huā karti thī koi din pehle
Tujhe milī hai to shohrat durust ho gaī hai
Na jaane kaun mukhātib hai in dinoñ mujh se
Koi bhi ho mirī luknat durust ho gaī hai
Ghalat to khair muhabbat mein aur kya hotā
Magar yeh hai ke tabī'at durust ho gaī hai
Abhi gaya hai mujhe koste hue koi
Ke is ta'īñ mirī nīyat durust ho gaī hai
Khulā ke us se bichhaṛne ki der thī Jawādؔ
Mirī ek aur bhi ādat durust ho gaī hai
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں