ٹُوٹنے پر کوئی آئے تو پھر ایسا ٹُوٹے — جواد شیخ
شاعر
ٹُوٹنے پر کوئی آئے تو پھر ایسا ٹُوٹے
ٹُوٹنے پر کوئی آئے تو پھر ایسا ٹُوٹے
کہ جِسے دیکھ کے ہر دیکھنے والا ٹُوٹے
تُو اِسے کس کے بھروسے پہ نہیں کات رہی ؟؟
چرخ کو دیکھنے والی !! ترا چرخہ ٹُوٹے !!
اپنے بکھرے ہوئے ٹکڑوں کو سمیٹے کب تک ؟؟
ایک انسان کی خاطر کوئی کِتنا ٹُوٹے ؟؟
کوئی ٹکڑا تری آنکھوں میں نہ چُبھ جائے کہیں
دُور ہو جا کہ مرے خواب کا شیشہ ٹُوٹے
میں کسی اور کو سوچوں تو مجھے ہوش آئے
میں کسی اور کو دیکھوں تو یہ نشّہ ٹُوٹے
رنج ہوتا ہے تو ایسا کہ بتائے نہ بنے
جب کسی اپنے کے باعث کوئی اپنا ٹُوٹے
پاس بیٹھے ہوئے یاروں کو خبر تک نہ ہوئی
ہم کسی بات پہ اِس درجہ انوکھا ٹُوٹے
اِتنی جلدی تو سنبھلنے کی توقّع نہ کرو !!
وقت ہی کِتنا ہوا ہے مرا سپنا ٹُوٹے
داد کی بھِیک نہ مانگ !! اے مرے اچھے شاعر !!
جا تُجھے میری دُعا ہے ترا کاسہ ٹُوٹے
ورنہ کب تک لیے پھِرتا رہوں اِس کو جوّاد
کوئی صورت ہو کہ اُمّید سے رِشتہ ٹُوٹے
Tūṭne par koi aaye to phir aisā tūṭe
Tūṭne par koi aaye to phir aisā tūṭe
Ke jise dekh ke har dekhne wālā tūṭe
Tū ise kis ke bharose pe nahīñ kāt rahī ??
Charkh ko dekhne wālī !! terā charkha tūṭe !!
Apne bikhre hue ṭukṛoñ ko sameṭe kab tak ??
Ek insān kī khātir koi kitnā tūṭe ??
Koi ṭukṛa terī ānkhoñ mein na chubh jaaye kahīñ
Dūr ho jā ke mere khwāb ka shīsha tūṭe
Maiñ kisi aur ko sochuñ to mujhe hosh aaye
Maiñ kisi aur ko dekhuñ to yeh nasha tūṭe
Ranj hotā hai to aisā ke batāye na bane
Jab kisi apne ke bā'is koi apnā tūṭe
Pās baiṭhe hue yāroñ ko khabar tak na huī
Hum kisi bāt pe is darja anokhā tūṭe
Itni jaldī to sambhalne kī tawaqqo' na karo !!
Waqt hi kitnā huā hai mirā sapnā tūṭe
Dād kī bhīk na māñg !! aye mere acche shā'ir !!
Jā tujhe merī du'ā hai terā kāsa tūṭe
Warna kab tak liye phirtā rahūñ is ko Jawwādؔ
Koi sūrat ho ke ummīd se rishta tūṭe
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں