تو کیا اک ہمارے لیے ہی محبت نیا تجربہ ہے — جواد شیخ
شاعر
تو کیا اک ہمارے لیے ہی محبت نیا تجربہ ہے
تو کیا اک ہمارے لیے ہی محبت نیا تجربہ ہے
جسے پوچھیے وہ کہے گا کہ جی ہاں بڑا تجربہ ہے
سمجھ میں نہ آئے تو میری خموشی کو دل پر نہ لینا
کہ یہ عقل والوں کی دانست سے ماورا تجربہ ہے
کٹھن تو بہت ہے مگر دل کے رشتوں کو آزاد چھوڑو
توقع نہ باندھو کہ یہ اک اذیت بھرا تجربہ ہے
مگر ہم مصر تھے کہ ہم نے کتابیں بہت پڑھ رکھی ہیں
بڑوں نے کہا بھی کہ دیکھو میاں تجربہ تجربہ ہے
وہ اپنی جگہ خوش گماں تھی کہ دائم ہے پہلی محبت
میں اپنے تئیں مطمئن تھا کہ یہ دوسرا تجربہ ہے
کسی اور کے تجربے سے کوئی فائدہ کیا اٹھائیں
محبت میں ہر تجربہ ہی الگ طرح کا تجربہ ہے
To kya ek hamare liye hi mohabbat naya tajruba hai
To kya ek hamare liye hi mohabbat naya tajruba hai
Jise poochhiye wo kahega ke ji haan bada tajruba hai
Samajh mein na aaye to meri khamoshi ko dil par na lena
Ke yeh aql walon ki danist se mawra tajruba hai
Kathin to bahut hai magar dil ke rishton ko azaad chhodo
Tawaqqo na baandho ke yeh ek aziyat bhara tajruba hai
Magar hum musir the ke humne kitaben bahut padh rakhi hain
Badon ne kaha bhi ke dekho miyan tajruba tajruba hai
Wo apni jagah khush-guman thi ke daayim hai pehli mohabbat
Main apne taeen mutmain tha ke yeh dusra tajruba hai
Kisi aur ke tajrube se koi faida kya uthayen
Mohabbat mein har tajruba hi alag tarah ka tajruba hai
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں