کبھی شعر و نغمہ بن کے کبھی آنسوؤں میں ڈھل کے — خمار بارہ بنکوی
شاعر
کبھی شعر و نغمہ بن کے کبھی آنسوؤں میں ڈھل کے
کبھی شعر و نغمہ بن کے کبھی آنسوؤں میں ڈھل کے
وہ مجھے ملے تو لیکن ملے صورتیں بدل کے
یہ وفا کی سخت راہیں یہ تمہارے پائے نازک
نہ لو انتقام مجھ سے مرے ساتھ ساتھ چل کے
وہی آنکھ بے بہا ہے جو غم جہاں میں ڈوبے
وہی جام جام جم ہے جو بغیر فرق چھلکے
نہ تو ہوش سے تعارف نہ جنوں سے آشنائی
یہ کہاں پہنچ گئے ہم تری بزم سے نکل کے
یہ چراغ انجمن تو ہیں بس ایک شب کے مہماں
تو جلا وہ شمع اے دل جو بجھے کبھی نہ جل کے
کوئی اے خمارؔ ان کو مرے شعر نذر کر دے
جو مخالفین مخلص نہیں معترف غزل کے
Kabhi sher-o-naghma ban ke kabhi aansuon mein dhal ke
Kabhi sher-o-naghma ban ke kabhi aansuon mein dhal ke
Wo mujhe mile to lekin mile soortein badal ke
Ye wafa ki sakht raahein ye tumhare paaye nazuk
Na lo intiqam mujh se mere saath saath chal ke
Wohi aankh be baha hai jo gham-e-jahan mein doobe
Wohi jaam jam-e-jam hai jo baghair farq chhalke
Na to hosh se taarruf na junoon se aashnai
Ye kahan pahunch gaye hum teri bazm se nikal ke
Ye charagh-e-anjuman to hain bas ek shab ke mehmaan
Tu jala wo shama ae dil jo bujhe kabhi na jal ke
Koi ae Khumar! un ko mere sher nazar kar de
Jo mukhalifeen mukhlis nahin mutarif ghazal ke
شاعر کے بارے میں
خُمار بارہ بنکوی، جن کا اصل نام محمد حیدر خان تھا، 19 ستمبر 1919 کو بارہ بنکی، اتر پردیش میں پیدا ہوئے۔ وہ ایک تہذیبی اور ادبی ماحول رکھنے والے گھر...
مکمل تعارف پڑھیں