یہ مصرع نہیں ہے وظیفہ مرا ہے — خمار بارہ بنکوی
شاعر
یہ مصرع نہیں ہے وظیفہ مرا ہے
یہ مصرع نہیں ہے وظیفہ مرا ہے
خدا ہے محبت محبت خدا ہے
کہوں کس طرح میں کہ وہ بے وفا ہے
مجھے اس کی مجبوریوں کا پتا ہے
ہوا کو بہت سرکشی کا نشہ ہے
مگر یہ نہ بھولے دیا بھی دیا ہے
میں اس سے جدا ہوں وہ مجھ سے جدا ہے
محبت کے ماروں پہ فضل خدا ہے
نظر میں ہے جلتے مکانوں کا منظر
چمکتے ہیں جگنو تو دل کانپتا ہے
انہیں بھولنا یا انہیں یاد کرنا
وہ بچھڑے ہیں جب سے یہی مشغلہ ہے
گزرتا ہے ہر شخص چہرہ چھپائے
کوئی راہ میں آئینہ رکھ گیا ہے
بڑی جان لیوا ہیں ماضی کی یادیں
بھلانے کو جی بھی نہیں چاہتا ہے
کہاں تو خمارؔ اور کہاں کفر توبہ
تجھے پارساؤں نے بہکا دیا ہے
Ye misra nahin hai wazifa mera hai
Ye misra nahin hai wazifa mera hai
Khuda hai mohabbat mohabbat Khuda hai
Kahun kis tarah main ke wo bewafa hai
Mujhe us ki majbooriyon ka pata hai
Hawa ko bahut sarkashi ka nasha hai
Magar ye na bhoole diya bhi diya hai
Main us se juda hoon wo mujh se juda hai
Mohabbat ke maaron pe fazl-e-Khuda hai
Nazar mein hai jalte makanon ka manzar
Chamakte hain jugnu to dil kaanpta hai
Inhein bhoolna ya inhein yaad karna
Wo bichhade hain jab se yahi mashghala hai
Guzarta hai har shakhs chehra chhupaye
Koi raah mein aaina rakh gaya hai
Badi jaan lewa hain maazi ki yaadein
Bhulane ko jee bhi nahin chahta hai
Kahan tu Khumar! aur kahan kufr tauba
Tujhe parsaon ne behka diya hai
شاعر کے بارے میں
خُمار بارہ بنکوی، جن کا اصل نام محمد حیدر خان تھا، 19 ستمبر 1919 کو بارہ بنکی، اتر پردیش میں پیدا ہوئے۔ وہ ایک تہذیبی اور ادبی ماحول رکھنے والے گھر...
مکمل تعارف پڑھیں