اپنے دل میں ڈر۔۔۔ — مجید امجد
شاعر
اپنے دل میں ڈر۔۔۔
اپنے دل میں ڈر ہو تو یہ بادل کس کو لبھا سکتے ہیں
اپنے دل میں ڈر ہو تو سب رتیں ڈراؤنی لگتی ہیں اور اپنی طرف ہی گردن
جھک جاتی ہے
یہ تو اپنا حوصلہ تھا
اتنے اندیشوں میں بھی
نظریں اپنی جانب نہیں اٹھیں اور اس گھنگھور گھنے کہرے میں جا ڈوبی ہیں
اور اب میری ساری دنیا اس کہرے میں نہائی ہوئی ہریاول کا حصہ ہے
میری خوشیاں بھی اور ڈر بھی
اور اسی رستے پر میں نے لوہے کے حلقوں میں
اک قیدی کو دیکھا
آہن چہرہ سپاہی کی جرسی کا رگ اس قیدی کے رخ پر تھا
ہر اندیشہ تو اک کنڈی ہے جو دل کو اپنی جانب کھینچ کے رکھتی ہے اور وہ قیدی بھی
کھچا ہوا تھا اپنے دل کے خوف کی جانب جس کی کوئی رت نہیں ہوتی
میں بھی اپنے اندیشوں کا قیدی ہوں لیکن اس قیدی کے اندیشے تو
اک میرے سوا سب کے ہیں
اک وہی اپنے اپنے دکھ کی کنڈی
جس کے کھچاؤ سے اک اک گردن اپنی جانب جھکی ہوئی ہے
ایسے میں اب کون گھٹاؤں بھری اس صبح بہاراں کو دیکھے گا
جو ان بور لدے اندیشوں پر یوں جھکی ہوئی ہے آموں کے باغوں میں
مری روح کے سامنے
Apne Dil Mein Dar...
Apne dil mein dar ho to yeh baadal kis ko lubha sakte hain
Apne dil mein dar ho to sab ritein daraawani lagti hain aur apni taraf hi gardan
Jhuk jaati hai
Yeh to apna hausla tha
Itne andeshon mein bhi
Nazrein apni jaanib nahin uthin aur is ghunghaur ghane kohre mein ja doobi hain
Aur ab meri saari duniya us kohre mein nahayi hui haryaawal ka hissa hai
Meri khushiyan bhi aur dar bhi
Aur isi raste par main ne lohe ke halqon mein
Ik qaidi ko dekha
Aahan chehra sipaahi ki jarsi ka rang us qaidi ke rukh par tha
Har andesha to ik kundi hai jo dil ko apni jaanib kheench ke rakhti hai aur woh qaidi bhi
Khicha hua tha apne dil ke khauf ki jaanib jis ki koi rut nahin hoti
Main bhi apne andeshon ka qaidi hoon lekin us qaidi ke andeshe to
Ik mere siwa sab ke hi hain
Ik wahi apne apne dukh ki kundi
Jis ke khichaao se ik ik gardan apni jaanib jhuki hui hai
Aise mein ab kaun ghataaon bhari us subah-e-bahaaraan ko dekhega
Jo in bor lade andeshon par yun jhuki hui hai aamon ke baaghon mein
Meri rooh ke saamne
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں