بڑھی جو حد سے تو سارے طلسم توڑ گئی — مجید امجد
شاعر
بڑھی جو حد سے تو سارے طلسم توڑ گئی
بڑھی جو حد سے تو سارے طلسم توڑ گئی
وہ خوش دلی جو دلوں کو دلوں سے جوڑ گئی
ابد کی راہ پہ بے خواب دھڑکنوں کی دھمک
جو سو گئے انہیں بجھتے جگوں میں چھوڑ گئی
یہ زندگی کی لگن ہے کہ رت جگوں کی ترنگ
جو جاگتے تھے انہی کو یہ دھن جھنجھوڑ گئی
وہ ایک ٹیس جسے تیرا نام یاد رہا
کبھی کبھی تو مرے دل کا ساتھ چھوڑ گئی
رکا رکا ترے لب پر عجب سخن تھا کوئی
تری نگہ بھی جسے نا تمام چھوڑ گئی
فراز دل سے اترتی ہوئی ندی امجدؔ
جہاں جہاں تھا حسیں وادیوں کا موڑ گئی
Badhi jo had se to saare tilism tod gayi
Badhi jo had se to saare tilism tod gayi
Wo khush-dili jo dilon ko dilon se jod gayi
Abad ki raah pe be-khwab dhadkanon ki dhamak
Jo so gaye unhein bujhte jugnuon mein chhod gayi
Ye zindagi ki lagan hai ke rat-jagoon ki tarang
Jo jaagte the unhi ko ye dhun jhinjhod gayi
Wo ek tees jise tera naam yaad raha
Kabhi kabhi to mere dil ka saath chhod gayi
Ruka ruka tere lab par ajab sukhan tha koi
Teri nigah bhi jise na-tamam chhod gayi
Faraz-e-dil se utarti hui nadi Amjad!
Jahan jahan tha haseen wadiyon ka mod gayi
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں