برہنہ — مجید امجد
شاعر
برہنہ
فرنگی جریدوں کے اوراق رنگین
ہنستی، لچکتی، دھڑکتی، لکیریں
کٹیلے بدن تیغ کی دھار جیسے!
لہو رس میں گوندھے ہوئے جسم، ریشم کے انبار جیسے!
نگہ جن پہ پھسلے، وہ شانے وہ باہیں
مدور اٹھانیں، منور ڈھلانیں،
ہر اک نقش میں زیست کی تازگی ہے
ہر اک رنگ سے کھولتی آرزوؤں کی آنچ آ رہی ہے!
خطوط برہنہ کے ان آئینوں میں
حسیں پیکروں کے شفاف خاکے
کہ جن کے سجل روپ میں کھیلتی ہیں
وہ خوشیاں جو صدیوں سے بوجھل کے اوجھل رہی ہیں!
انہیں پھونک دے گی بے مہر دنیا
فرنگی جریدوں کے اوراق رنگین
کو اک بار حسرت سے تک لو
پھر ان کو حفاظت سے اپنے دلوں کے مقفل درازوں میں رکھ لو!
Barahna
Farangi jadeedon ke awraq-e-rangin
Hansti, lachakti, dhadakti, lakeerein
Kateele badan tegh ki dhaar jaise!
Lahoo ras mein goondhe hue jism, resham ke ambar jaise!
Nigah jin pe phisle, woh shaane woh bahein
Mudawwar uthanen, munawwar dhalaanein,
Har ek naqsh mein zeest ki taazgi hai
Har ek rang se kholti aarzuon ki aanch aa rahi hai!
Khutoot-e-barahna ke un aainon mein
Haseen paikaroon ke shaffaf khaake
Ke jin ke sajal roop mein khelti hain
Woh khushiyan jo sadiyon se bojhal ke ojhal rahi hain!
Inhein phooonk de gi be-mehr duniya
Farangi jadeedon ke awraq-e-rangin
Ko ek baar hasrat se tak lo
Phir un ko hifazat se apne dilon ke muqaffal darazon mein rakh lo!
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں