ایک ایک جھروکا خندہ بہ لب ایک ایک گلی کہرام — مجید امجد
شاعر
ایک ایک جھروکا خندہ بہ لب ایک ایک گلی کہرام
ایک ایک جھروکا خندہ بہ لب ایک ایک گلی کہرام
ہم لب سے لگا کر جام ہوئے بدنام بڑے بدنام
رت بدلی کہ صدیاں لوٹ آئیں اف یاد کسی کی یاد
پھر سیل زماں میں تیر گیا اک نام کسی کا نام
دل ہے کہ اک اجنبیٔ حیراں تم ہو کہ پرایا دیس
نظروں کی کہانی بن نہ سکیں ہونٹوں پہ رکے پیغام
روندیں تو یہ کلیاں نیش بلا چومیں تو یہ شعلے پھول
یہ غم یہ کسی کی دین بھی ہے انعام عجب انعام
اے تیرگیوں کی گھومتی رو کوئی تو رسیلی صبح
اے روشنیوں کی ڈولتی لو اک شام نشیلی شام
رہ رہ کے جیالے راہیوں کو دیتا ہے یہ کون آواز
کونین کی ہنستی منڈیروں پر تم ہو کہ غم ایام
بے برگ شجر گردوں کی طرف پھیلائیں ہمکتے ہات
پھولوں سے بھری ڈھلوان پہ سوکھے پات کریں بسرام
ہم فکر میں ہیں اس عالم کا دستور ہے کیا دستور
یہ کس کو خبر اس فکر کا ہے دستور دو عالم نام
Ek ek jharoka khanda ba lab ek ek gali kohraam
Ek ek jharoka khanda ba lab ek ek gali kohraam
Hum lab se laga kar jaam hue badnaam bade badnaam
Rut badli ke sadiyan laut aaein uff yaad kisi ki yaad
Phir saila-e-zamaan mein teer gaya ek naam kisi ka naam
Dil hai ke ek ajnabi-e-hairaan tum ho ke paraya des
Nazron ki kahani ban na sakein honton pe rakhe paigham
Rondein to yeh kaliyan nesh-e-bala choomein to yeh sholay phool
Yeh gham yeh kisi ki dein bhi hai inaam ajab inaam
Aye teeragiyon ki ghoomti rau koi to raseeli subh
Aye roshniyon ki dolti lau ek shaam nasheeli shaam
Reh reh ke jiyale raahiyon ko deta hai yeh kaun aawaaz
Kaunain ki hansti munderon par tum ho ke gham-e-ayyaam
Be barg shajar gardoon ki taraf phailayein hamakte haath
Phoolon se bhari dhalwan pe sookhe paat karein basraam
Hum fikr mein hain us aalam ka dastoor hai kya dastoor
Yeh kis ko khabar is fikr ka hai dastoor do aalam naam
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں