اک عمر دل کی گھات سے تجھ پر نگاہ کی — مجید امجد
شاعر
اک عمر دل کی گھات سے تجھ پر نگاہ کی
اک عمر دل کی گھات سے تجھ پر نگاہ کی
تجھ پر تری نگاہ سے چھپ کر نگاہ کی
روحوں میں جلتی آگ خیالوں میں کھلتے پھول
ساری صداقتیں کسی کافر نگاہ کی
جب بھی غم زمانہ سے آنکھیں ہوئیں دو چار
منہ پھیر کر تبسم دل پر نگاہ کی
باگیں کھنچیں مسافتیں کڑکیں فرس رکے
ماضی کی رتھ سے کس نے پلٹ کر نگاہ کی
دونوں کا ربط ہے تری موج خرام سے
لغزش خیال کی ہو کہ ٹھوکر نگاہ کی
Ek umr dil kī ghāt se tujh par nigāh kī
Ek umr dil kī ghāt se tujh par nigāh kī
Tujh par terī nigāh se chhup kar nigāh kī
Rūhon mein jaltī āg, khayālon mein khilte phool
Sārī sadāqaten kisī kāfir nigāh kī
Jab bhī gham-e-zamāna se ānkhen huiin do chār
Munh pher kar tabassum-e-dil par nigāh kī
Bāgen khinchīn, musāfaten kaṛkin, faras ruke
Māzī kī rath se kis ne palaṭ kar nigāh kī
Donon kā rabt hai terī mauj-e-kharām se
Lagzish-e-khayāl kī ho, kih ṭhokar-e-nigāh kī
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں