گہرے سروں میں عرض نوائے حیات کر — مجید امجد
شاعر
گہرے سروں میں عرض نوائے حیات کر
گہرے سروں میں عرض نوائے حیات کر
سینے پہ ایک درد کی سل رکھ کے بات کر
یہ دوریوں کا سیل رواں برگ نامہ بھیج
یہ فاصلوں کے بند گراں کوئی بات کر
تیرا دیار رات مری بانسری کی لے
اس خواب دل نشیں کو مری کائنات کر
میرے غموں کو اپنے خیالوں میں بار دے
ان الجھنوں کو سلسلۂ واقعات کر
آ ایک دن مرے دل ویراں میں بیٹھ کر
اس دشت کے سکوت سخن جو سے بات کر
امجدؔ نشاط زیست اسی کشمکش میں ہے
مرنے کا قصد جینے کا عزم ایک سات کر
Gehre suron mein arz-e-nawa-e-hayat kar
Gehre suron mein arz-e-nawa-e-hayat kar
Seene pe ek dard ki sil rakh ke baat kar
Yeh dooriyon ka sail-e-ravaan barg-nama bheij
Yeh faslon ke band-e-giraan koi baat kar
Tera dayaar raat meri bansuri ki lay
Is khwab-e-dil-nasheen ko meri kayanat kar
Mere ghamon ko apne khayalon mein baar de
In uljhanon ko silsila-e-waqeat kar
Aa ek din mere dil-e-veeraan mein baith kar
Is dasht ke sukoot-e-sukhan-ju se baat kar
Amjad! nishat-e-zeest isi kashmakash mein hai
Marne ka qasd jeene ka azm ek saath kar
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں