ہر وقت فکر مرگ غریبانہ چاہئے — مجید امجد
شاعر
ہر وقت فکر مرگ غریبانہ چاہئے
ہر وقت فکر مرگ غریبانہ چاہئے
صحت کا ایک پہلو مریضانہ چاہئے
دنیائے بے طریق میں جس سمت بھی چلو
رستے میں اک سلام رفیقانہ چاہئے
آنکھوں میں امڈے روح کی نزدیکیوں کے ساتھ
ایسا بھی ایک دور کا یارانہ چاہئے
کیا پستیوں کی ذلتیں کیا عظمتوں کے فوز
اپنے لیے عذاب جداگانہ چاہئے
اب درد شش بھی سانس کی کوشش میں ہے شریک
اب کیا ہو اب تو نیند کو آ جانا چاہئے
روشن ترائیوں سے اترتی ہوا میں آج
دو چار گام لغزش مستانہ چاہئے
امجدؔ ان اشک بار زمانوں کے واسطے
اک ساعت بہار کا نذرانہ چاہئے
Har waqt fikr-e-marg-e-gharibana chahiye
Har waqt fikr-e-marg-e-gharibana chahiye
Sehat ka ek pehlu marizana chahiye
Duniya-e-be-tariq mein jis simt bhi chalo
Raste mein ek salam-e-rafiqaana chahiye
Aankhon mein umde rooh ki nazdikiyon ke saath
Aisa bhi ek duur ka yarana chahiye
Kya pastiyon ki zillatain kya azmaton ke fauz
Apne liye azab-e-judagana chahiye
Ab dard-e-shash bhi saans ki koshish mein hai shareek
Ab kya ho ab to neend ko aa jaana chahiye
Roshan taraiyon se utarti hawa mein aaj
Do char gaam laghzish-e-mastana chahiye
Amjad! In ashk-bar zamano ke waste
Ek sa'at-e-bahar ka nazrana chahiye
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں