جوانی کی کہانی — مجید امجد
شاعر
جوانی کی کہانی
نہ چھیڑ اے دل جوانی کی کہانی
کسی کی دل ستانی کی کہانی
وہ سوز زندگی افروز کا ذکر
وہ درد جاودانی کی کہانی
وہ دکھ کی جاگتی راتوں کا قصہ
وہ اشکوں کی روانی کی کہانی
بہاریں مستیوں کی داستانیں
خماریں سرگرانی کی کہانی
مسرت آشنا غم کا فسانہ
غم آگیں شادمانی کی کہانی
وہ ہونٹوں سے لگے جاموں کا قصہ
وہ آتش موج پانی کی کہانی
مری آنکھوں میں آنسو جھوم آئے
نہ چھیڑ اے دل جوانی کی کہانی
مجید امجد
Jawani Ki Kahani
Na chhed aye dil jawani ki kahani
Kisi ki dil-satani ki kahani
Woh soz-e-zindagi-afroz ka zikr
Woh dard-e-javdani ki kahani
Woh dukh ki jaagti raaton ka qissa
Woh ashkon ki rawani ki kahani
Baharein mastiyon ki daastanein
Khumarein sargirani ki kahani
Musarrat-aashna gham ka fasana
Gham-aageen shadmani ki kahani
Woh honton se lage jaamon ka qissa
Woh aatish-mauj paani ki kahani
Meri aankhon mein aansu jhoom aaye
Na chhed aye dil jawani ki kahani
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم اپنے آبائی شہر میں حاصل کی، جہاں انہوں نے عربی اور فارسی کی تعلیم بھی لی۔ بعد ازاں انہوں نے اسلامیہ کالج، لاہور سے بیچلر آف آرٹس (B.A.) کی ڈگری حاصل کی۔ مجید امجد نے زندگی بھر شاعری کو ایک فکری اور فلس...
مکمل تعارف پڑھیں