نگاہ باز گشت — مجید امجد
شاعر
نگاہ باز گشت
آج تھی میرے مقدر میں عجب ساعت دید
آج جب میری نگاہوں نے پکارا تجھ کو
میری تشنہ نگاہوں کی صدا
کوئی بھی سن نہ سکا
صرف اک تیرے ہی دل تک یہ صدا
جاگتی دنیا کے کہرام سے چپ چاپ گزر کر پہنچی
صرف اک تو نے پلٹ کر مری جانب دیکھا
مجھے تو نے تجھے میں نے دیکھا
آج تھی میری نگاہوں کے مقدر میں عجب ساعت دید
کیا خبر پھر تو پلٹ کر مری جانب کبھی دیکھے کہ نہ دیکھے لیکن
ایک عمر اب میں یوں ہی اپنی طرف دیکھتے دیکھوں گا تجھے
Nigah-e-Baaz Gasht
Aaj thi mere muqaddar mein ajab sa'at-e-deed
Aaj jab meri nigahon ne pukara tujh ko
Meri tishna nigahon ki sada
Koi bhi sun na saka
Sirf ek tere hi dil tak yeh sada
Jaagti duniya ke kohraam se chup chap guzar kar pahunchi
Sirf ek tu ne palat kar meri jaanib dekha
Mujhe tu ne tujhe maine dekha
Aaj thi meri nigahon ke muqaddar mein ajab sa'at-e-deed
Kya khabar phir tu palat kar meri jaanib kabhi dekhe ke na dekhe lekin
Ek umar ab mein yoon hi apni taraf dekhte dekhunga tujhe
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں