قاصد مست گام موج صبا — مجید امجد
شاعر
قاصد مست گام موج صبا
قاصد مست گام موج صبا
کوئی رمز خرام موج صبا
وادیٔ برف کا کوئی سندیس
میرے اشکوں کے نام موج صبا
کوئی موج خیال میں بہتی
منزلوں کا پیام موج صبا
سو سمٹتی مسافتوں کا طلسم
تیری کروٹ کا نام موج صبا
تیرے دامن کی خوشبوؤں میں ہیں غم
سو سہانے مقام موج صبا
آتی پت جھڑ کے ساتھ لوٹتے وقت
اک بہاریں پیام موج صبا
اک نوید نگاہ پیک حبیب
اک جواب سلام موج صبا
Qāsid-e-mast-gām mauj-e-sabā
Qāsid-e-mast-gām mauj-e-sabā
Koī ramz-e-kharām mauj-e-sabā
Vādī-e-barf kā koī sandes
Mere ashkon ke nām mauj-e-sabā
Koī mauj-e-khayāl mein bahtī
Manzilon kā payām mauj-e-sabā
Sau simaṭtī musāfatoñ kā tilism
Terī karvaṭ kā nām mauj-e-sabā
Tere dāman kī k͟hushbūoñ mein hain gham
Sau suhāne maqām mauj-e-sabā
Ātī patjhaṛ ke sāth lauṭte vaqt
Ek bahāreñ payām mauj-e-sabā
Ek navīd-e-nigāh paik-e-habīb
Ek javāb-e-salām mauj-e-sabā
شاعر کے بارے میں
مجید امجد (29 جون 1914 – 11 مئی 1974) اردو کے نمایاں شاعر اور فلسفیانہ سوچ کے حامل ادبی شخصیت ہیں۔ وہ جھنگ، پنجاب میں پیدا ہوئے اور ابتدائی تعلیم ا...
مکمل تعارف پڑھیں