بہ نام کوچۂ دل دار گل برسے کہ سنگ آئے — مجروح سلطانپوری
شاعر
بہ نام کوچۂ دل دار گل برسے کہ سنگ آئے
بہ نام کوچۂ دل دار گل برسے کہ سنگ آئے
ہنسا ہے چاک پیراہن نہ کیوں چہرے پہ رنگ آئے
بچاتے پھرتے آخر کب تلک دست عزیزاں سے
انہیں کو سونپ کر ہم تو کلاہ نام و ننگ آئے
ہنسو مت اہل دل اپنی سی جانو بزم خوباں میں
چلے آئے ادھر ہم بھی بہت جب دل سے تنگ آئے
کہاں صحن چمن میں بات کوئے سرفروشاں کی
ادھر سے سادہ رو نکلے ادھر سے لالہ رنگ آئے
کرو مجروحؔ تب دار و رسن کے تذکرے ہم سے
جب اس قامت کے سائے میں تمہیں جینے کا ڈھنگ آئے
Ba-naam-e-koocha-e-dildaar gul barse ke sang aaye
Ba-naam-e-koocha-e-dildaar gul barse ke sang aaye
Hansa hai chaak-e-pairahan na kiyun chehre pe rang aaye
Bachate phirte akhir kab talak dast-e-azeezan se
Inhein ko saunp kar hum to kulah-e-naam-o-nang aaye
Hanso mat ahl-e-dil apni si jaano bazm-e-khooban mein
Chale aaye idhar hum bhi bahut jab dil se tang aaye
Kahan sehn-e-chaman mein baat koo-e-sarfaroshan ki
Idhar se sada-roo nikle idhar se lala-rang aaye
Karo Majrooh tab daar-o-rasan ke tazkire hum se
Jab us qamat ke saaye mein tumhein jeene ka dhang aaye
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں