تجھے کیا سناؤں میں دل ربا ترے سامنے مرا حال ہے

تجھے کیا سناؤں میں دل ربا ترے سامنے مرا حال ہے
تری اک نگاہ کی بات ہے مری زندگی کا سوال ہے
مری ہر خوشی ترے دم سے ہے مری زندگی ترے غم سے ہے
ترے درد سے رہے بے خبر مرے دل کی کب یہ مجال ہے
ترے حسن پر ہے مری نظر مجھے صبح شام کی کیا خبر
مری شام ہے تری جستجو میری صبح تیرا خیال ہے
مرے دل جگر میں سما بھی جا رہے کیوں نظر کا بھی فاصلہ
کہ ترے بغیر تو جان جاں مجھے زندگی بھی محال ہے

Tujhe kya sunaaoon main dilruba, tere saamne mera haal hai

Tujhe kya sunaaoon main dilruba, tere saamne mera haal hai
Teri ik nigaah ki baat hai, meri zindagi ka sawaal hai
Meri har khushi tere dam se hai, meri zindagi tere gham se hai
Tere dard se rahe bekhabar, mere dil ki kab yeh majaal hai
Tere husn par hai meri nazar, mujhe subh-o-shaam ki kya khabar
Meri shaam hai teri justaju, meri subh tera khayaal hai
Mere dil-o-jigar mein samaa bhi jaa, rahe kyun nazar ka faasla
Ke tere baghair to jaan-e-jaan, mujhe zindagi bhi muhaal hai

شاعر کے بارے میں

مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...

مکمل تعارف پڑھیں

تجھے کیا سناؤں میں دل ربا ترے سامنے مرا حال ہے — مجروح سلطانپوری

شاعر