وہ جس پہ تمہیں شمع سر رہ کا گماں ہے — مجروح سلطانپوری
شاعر
وہ جس پہ تمہیں شمع سر رہ کا گماں ہے
وہ جس پہ تمہیں شمع سر رہ کا گماں ہے
وہ شعلۂ آوارہ ہماری ہی زباں ہے
اب ہاتھ ہمارے ہے عناں رخش جنوں کی
اب سر پہ ہمارے کلہ سنگ بتاں ہے
بس پھیر کے منہ خار قدم کھینچ رہے تھے
دیکھا تو نہاں قافلۂ ہم سفراں ہے
چبھتے ہی بنی خار صفت پائے خزاں میں
کیا کیجے بہت ہم کو غم لالہ رخاں ہے
کام آئے بہت لوگ سر مقتل ظلمات
اے روشنیٔ کوچۂ دلدار کہاں ہے
اے فصل جنوں ہم کو پئے شغل گریباں
پیوند ہی کافی ہے اگر جامہ گراں ہے
مجروحؔ کہاں سے گہر گندم و جو لائیں
اپنی تو گرہ میں یہی چشم نگراں ہے
Woh jis pe tumhein sham-e-sar-e-rah ka gumaan hai
Woh jis pe tumhein sham-e-sar-e-rah ka gumaan hai
Woh shola-e-awara hamari hi zabaan hai
Ab haath hamare hai inan-e-rakhsh-e-junoon ki
Ab sar pe hamare kulah-e-sang-e-butan hai
Bas pher ke munh khaar-e-qadam khench rahe the
Dekha to nihan qafila-e-hum-safran hai
Chubhte hi bani khaar sifat pa-e-khizaan mein
Kya keejiye bahut hum ko gham-e-lala-rukhan hai
Kaam aaye bahut log sar-e-maqtal-e-zulumat
Aye roshni-e-kucha-e-dildaar kahan hai
Aye fasl-e-junoon hum ko paye shughl-e-girebaan
Paivand hi kaafi hai agar jama-e-giraan hai
Majrooh kahan se gohar-e-gandum-o-jo layein
Apni to girah mein yehi chashm-e-nigaran hai
شاعر کے بارے میں
مجروح سلطان پوری بیسویں صدی کے اُن ممتاز اردو شعرا میں شمار ہوتے ہیں جنہوں نے کلاسیکی شعری روایت اور جدید حسیت کو نہایت سلیقے سے ہم آہنگ کیا۔ ان کا...
مکمل تعارف پڑھیں