سہارا — میراجی
شاعر
سہارا
اوس کی بوندوں میں نمکینی نہیں
پھول گر چاہے کہ اپنی رات کے انجام کو
ایک ہی لمحے میں یکسر جان لے
اس کو لازم ہے ہوا کے سرد جھونکے سے کہے
جاؤ اس کے آنسوؤں کو چوم لو
آنسوؤں کو چوم کر محسوس یہ ہونے لگا
ایک آنسو ایک بوند
ایک پل میں ایک بحر نیلگوں
بن کے چھا جاتا ہے تنہا ناؤ پر
کیا ہوا گر اوس کی بوندوں میں نمکینی نہیں
اوس کی بوندوں میں نمکینی اگر ہوتی تو کیا
پھول اس میں تیرتے ہی تیرتے
اپنی منزل تک پہنچ سکتا نہ تھا اک ناؤ بن سکتا نہ تھا
پھول کیا ہے تو کہ میں
پھول میں ہوں تو نہیں
تو تو بحر نیلگوں میں ایک تنہا ناؤ ہے
بہتی جاتی ہے ذرا رکتی نہیں
تجھ کو یہ معلوم کب ہے اوس کی بوندوں میں نمکینی نہیں
تو فقط باتوں کے بل پر اپنی راتوں کی رسیلی چھاؤں میں
یہ سمجھتی ہے کہ ہر لمحہ اچانک پھیل کر
شش جہت پر دل دھڑکتے ہی میں یوں چھانے لگا
جیسے اک ٹھہراؤ فرقت کی اندھیری رات میں
درد کے ہم دوش لذت کو بھی اکساتا رہے
لے پیالہ تھام لے
اس میں باقی ہے ابھی زہر غم
جس کو پی کر میں بھی اپنی زندگی سے بھاگتا پھرتا رہا
گفتگو سے فائدہ کچھ بھی نہیں لیکن مجھے
ہر اشارا دام ہے الفاظ کا
جس میں طائر پھڑ پھڑاتے چیختے
چیختے ہی چیختے خاموش ہو جاتے ہوئے
جان لیتے ہیں کہ اب وہ رات ہی درماں بنے گی درد کے انبار کا
جس کے بکھرے دامن صد چاک میں
پھول کی بھیگی ہوئی پتی پہ بوندیں اوس کی
ساتھ لاتی ہیں گداز روح کی ہلکی ملاحت کو جسے
چکھ کے کہتی ہے زباں کیوں اب کہو
اوس کی بوندوں میں نمکینی نہیں
دیکھ دور
ایک تنہا ناؤ بحر نیلگوں پہ رفتہ رفتہ بڑھتے بڑھتے آ رہی ہے پاس دیکھ
دور کی چیزیں بھی یوں
باتوں باتوں میں قریب آ جائیں گی کیا تھی خبر
دیکھ تو
رشتۂ عہد تخیل بند تھا
کھلنے لگا
رفتہ رفتہ اک نئی صورت نظر آنے لگی
اک نئی صورت مگر کچھ نقش تو مانوس ہیں
اور ہر لمحے سے ہر آنسو سے قصر نیلگوں استادہ ہے
دور اس کی چھت میں دو فانوس ہیں
Sahara
Oos ki boondon mein namkeeni nahin
Phool gar chaahe ke apni raat ke anjaam ko
Aik hi lamhe mein yaksar jaan le
Is ko laazim hai hawa ke sard jhonke se kahe
Jaao us ke aansuon ko choom lo
Aansuon ko choom kar mehsoos yeh hone laga
Ek aansoo ek boond
Ek pal mein ek bahr-e-neelgoon
Ban ke chha jaata hai tanha nao par
Kya hua gar oos ki boondon mein namkeeni nahin
Oos ki boondon mein namkeeni agar hoti to kya
Phool is mein tairte hi tairte
Apni manzil tak pahunch sakta na tha ik nao ban sakta na tha
Phool kya hai tu ke main
Phool main hoon tu nahin
Tu to bahr-e-neelgoon mein ek tanha nao hai
Behti jaati hai zara rukti nahin
Tujh ko yeh maloom kab hai oos ki boondon mein namkeeni nahin
Tu faqat baaton ke bal par apni raaton ki raseeli chhaon mein
Yeh samajhti hai ke har lamha achaanak phail kar
Shash jihat par dil dhadakte hi mein yoon chhane laga
Jaise ik thehrao furqat ki andheri raat mein
Dard ke ham dosh lazzat ko bhi uksaata rahe
Le piyala thaam le
Is mein baqi hai abhi zehr-e-gham
Jis ko pee kar main bhi apni zindagi se bhaagta phirta raha
Guftugu se faida kuch bhi nahin lekin mujhe
Har ishaara daam hai alfaaz ka
Jis mein taair phadphadate cheekhte
Cheekhte hi cheekhte khamosh ho jaate hue
Jaan lete hain ke ab woh raat hi darmaan banegi dard ke ambaar ka
Jis ke bikhre daaman sad chaak mein
Phool ki bheegi hui patti pe boondein oos ki
Saath laati hain gudaz rooh ki halki malahhat ko jise
Chakh ke kehti hai zubaan kyun ab kaho
Oos ki boondon mein namkeeni nahin
Dekh door
Ek tanha nao bahr-e-neelgoon pe rafta rafta badhte badhte aa rahi hai paas dekh
Door ki cheezen bhi yoon
Baaton baaton mein qareeb aa jayengi kya thi khabar
Dekh toh
Rishta-e-ahd-e-takhayyul band tha
Khulne laga
Rafta rafta ik nayi soorat nazar aane lagi
Ik nayi soorat magar kuch naqsh toh maanoos hain
Aur har lamhe se har aansoo se qasr-e-neelgoon ustada hai
Door us ki chhat mein do fanoos hain
شاعر کے بارے میں
میرا جی اردو ادب کے اُن چند منفرد اور اثر انگیز شعرا میں شمار ہوتے ہیں جنہوں نے بیسویں صدی میں اردو نظم کو ایک بالکل نیا شعور، نیا لہجہ اور نئی فکر...
مکمل تعارف پڑھیں