سلسلۂ روز و شب — میراجی
شاعر
سلسلۂ روز و شب
خدا نے الاؤ جلایا ہوا ہے
اسے کچھ دکھائی نہیں دے رہا ہے
ہر اک سمت اس کے خلا ہی خلا ہے
سمٹتے ہوئے دل میں وہ سوچتا ہے
تعجب کہ نور ازل مٹ چکا ہے
بہت دور انسان ٹھٹھکا ہوا ہے
اسے ایک شعلہ نظر آ رہا ہے
مگر اس کے ہر سمت بھی اک خلا ہے
تخیل نے یوں اس کو دھوکا دیا ہے
ازل ایک پل میں ابد بن گیا ہے
عدم اس تصور پہ جھنجھلا رہا ہے
نفس دو نفس کا بہانہ بنا ہے
حقیقت کا آئینہ ٹوٹا ہوا ہے
تو پھر کوئی کہہ دے یہ کیا ہے وہ کیا ہے
خلا ہی خلا ہے خلا ہی خلا ہے
Silsila Roz-o-Shab
Khuda ne alaao jalaya hua hai
Usay kuch dikhai nahin de raha hai
Har ek simt us ke khala hi khala hai
Simat-te hue dil mein woh sochta hai
Ta'ajjub ke noor-e-azal mit chuka hai
Bahut door insaan thithka hua hai
Usay ek shola nazar aa raha hai
Magar us ke har simt bhi ek khala hai
Takhayyul ne yun us ko dhoka diya hai
Azal ek pal mein abad ban gaya hai
Adam us tasawwur pe jhinjhlata raha hai
Nafas do nafas ka bahana bana hai
Haqeeqat ka aaina toota hua hai
To phir koi keh de ye kya hai woh kya hai
Khala hi khala hai khala hi khala hai
شاعر کے بارے میں
میرا جی اردو ادب کے اُن چند منفرد اور اثر انگیز شعرا میں شمار ہوتے ہیں جنہوں نے بیسویں صدی میں اردو نظم کو ایک بالکل نیا شعور، نیا لہجہ اور نئی فکر...
مکمل تعارف پڑھیں