آ کہ مری جان کو قرار نہیں ہے — مرزا غالب
شاعر
آ کہ مری جان کو قرار نہیں ہے
آ کہ مری جان کو قرار نہیں ہے
طاقت بیداد انتظار نہیں ہے
دیتے ہیں جنت حیات دہر کے بدلے
نشہ بہ اندازۂ خمار نہیں ہے
گریہ نکالے ہے تیری بزم سے مجھ کو
ہائے کہ رونے پہ اختیار نہیں ہے
ہم سے عبث ہے گمان رنجش خاطر
خاک میں عشاق کی غبار نہیں ہے
دل سے اٹھا لطف جلوہ ہائے معانی
غیر گل آئینۂ بہار نہیں ہے
قتل کا میرے کیا ہے عہد تو بارے
وائے اگر عہد استوار نہیں ہے
تو نے قسم مے کشی کی کھائی ہے غالبؔ
تیری قسم کا کچھ اعتبار نہیں ہے
Aa ke meri jaan ko qarar nahin hai
Aa ke meri jaan ko qarar nahin hai
Taqat-e-bedad-e-intizar nahin hai
Dete hain jannat hayat-e-dahr ke badle
Nasha ba-andaza-e-khumar nahin hai
Girya nikale hai teri bazm se mujh ko
Haye ke rone pe ikhtiyar nahin hai
Ham se abas hai guman-e-ranjish-e-khatir
Khak mein ushaq ki ghubar nahin hai
Dil se utha lutf-e-jalwa-haye-ma'ani
Ghair-e-gul aaina-e-bahar nahin hai
Qatl ka mere kya hai 'ahd to bare
Waye agar 'ahd-e-ustuwar nahin hai
Tu ne qasam may-kashi ki khayi hai Ghalib
Teri qasam ka kuchh i'tibar nahin hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں