آمد سیلاب طوفان صداۓ آب ہے — مرزا غالب
شاعر
آمد سیلاب طوفان صداۓ آب ہے
آمد سیلاب طوفان صداۓ آب ہے
نقش پا جو کان میں رکھتا ہے انگلی جادہ سے
بزم مے وحشت کدہ ہے کس کی چشم مست کا
شیشے میں نبض پری پنہاں ہے موج بادہ سے
دیکھتا ہوں وحشت شوق خروش آمادہ سے
فال رسوائی سرشک سر بہ صحرا دادہ سے
دام گر سبزے میں پنہاں کیجیے طاؤس ہو
جوش نیرنگ بہار عرض صحرا دادہ سے
خیمۂ لیلےٰ سیاہ و خانۂ مجنوں خراب
جوش ویرانی ہے عشق داغ بیروں دادہ سے
بزم ہستی وہ تماشا ہے کہ جس کو ہم اسدؔ
دیکھتے ہیں چشم از خواب عدم نکشادہ سے
Aamad-e-sailab-e-toofan sada-e-aab hai
Aamad-e-sailab-e-toofan sada-e-aab hai
Naqsh-e-pa jo kaan mein rakhta hai ungli jaada se
Bazm-e-mai wahshat-kada hai kis ki chashm-e-mast ka
Sheeshe mein nabz-e-pari pinhaan hai mauj-e-baada se
Dekhta hoon wahshat-e-shauq-e-khurosh-aamada se
Faal-e-ruswai-e-sarashk sar ba sahra-dada se
Daam gar sabze mein pinhaan kijiye taaus ho
Josh-e-nairang-e-bahaar arz-e-sahra-dada se
Khema-e-Laila-e-siyah o khana-e-Majnu kharab
Josh-e-veerani hai ishq-e-daagh-e-beroon-dada se
Bazm-e-hasti woh tamasha hai ke jis ko hum Asad
Dekhte hain chashm az khwab-e-adam na-kushada se
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں