چاک کی خواہش اگر وحشت بہ عریانی کرے — مرزا غالب
شاعر
چاک کی خواہش اگر وحشت بہ عریانی کرے
چاک کی خواہش اگر وحشت بہ عریانی کرے
صبح کے مانند زخم دل گریبانی کرے
جلوے کا تیرے وہ عالم ہے کہ گر کیجے خیال
دیدۂ دل کو زیارت گاہ حیرانی کرے
ہے شکستن سے بھی دل نومید یا رب کب تلک
آبگینہ کوہ پر عرض گراں جانی کرے
مے کدہ گر چشم مست ناز سے پاوے شکست
موئے شیشہ دیدۂ ساغر کی مژگانی کرے
خط عارض سے لکھا ہے زلف کو الفت نے عہد
یک قلم منظور ہے جو کچھ پریشانی کرے
Chak ki khwahish agar wahshat ba uriyaani kare
Chak ki khwahish agar wahshat ba uriyaani kare
Subh ke manind zakhm-e-dil girebaani kare
Jalwe ka tere woh alam hai ke gar kijiye khayal
Deeda-e-dil ko ziyarat-gah-e-hairaani kare
Hai shikastan se bhi dil na-ummeed ya Rab kab talak
Aabgeena koh par arz-e-giraan-jaani kare
Mai-kada gar chashm-e-mast-e-naaz se paave shikast
Moye-e-sheesha deeda-e-saghar ki mizhgaani kare
Khat-e-aariz se likha hai zulf ko ulfat ne ahad
Yak qalam manzoor hai jo kuch pareshaani kare
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں