چشم خوباں خامشی میں بھی نوا پرداز ہے — مرزا غالب
شاعر
چشم خوباں خامشی میں بھی نوا پرداز ہے
چشم خوباں خامشی میں بھی نوا پرداز ہے
سرمہ تو کہوے کہ دود شعلۂ آواز ہے
پیکر عشاق ساز طالع نا ساز ہے
نالہ گویا گردش سیارہ کی آواز ہے
دست گاہ دیدۂ خوں بار مجنوں دیکھنا
یک بیاباں جلوۂ گل فرش پا انداز ہے
چشم خوباں مے فروش نشہ زار ناز ہے
سرمہ گویا موج دود شعلۂ آواز ہے
ہے صریر خامہ ریزش ہاۓ استقبال ناز
نامہ خود پیغام کو بال و پر پرواز ہے
سرنوشت اضطراب انجامی الفت نہ پوچھ
نال خامہ خار خار خاطر آغاز ہے
شوخی اظہار غیر از وحشت مجنوں نہیں
لیلیٰ معنی اسدؔ محمل نشین راز ہے
نغمہ ہے کانوں میں اس کے نالۂ مرغ اسیر
رشتۂ پا یاں نوا سامان بند ساز ہے
شرم ہے طرز تلاش انتخاب یک نگاہ
اضطراب چشم برپا دوختہ غماز ہے
Chashm-e-khooban khamoshi mein bhi nawa-pardaz hai
Chashm-e-khooban khamoshi mein bhi nawa-pardaz hai
Surma to kahawe ke dood-e-sho'la aawaz hai
Paikar-e-ushshaq saaz-e-tali-e-na-saaz hai
Nala goya gardish-e-sayyara ki aawaz hai
Dast-gah-e-deeda-e-khoon-bar-e-Majnu dekhna
Yak biyaban jalwa-e-gul farsh-e-pa-andaaz hai
Chashm-e-khooban mai-farosh-e-nashsha-zaar-e-naaz hai
Surma goya mauj-e-dood-e-sho'la aawaz hai
Hai sareer-e-khama-e-rezish-ha-e-istiqbal-e-naaz
Nama khud paigham ko baal o par-e-parvaz hai
Sar-navisht-e-iztirab-e-anjaami-e-ulfat na poochh
Nal-e-khama khaar-khaar-e-khatir-e-aaghaz hai
Shokhi-e-izhaar ghair az wahshat-e-Majnu nahin
Laila-e-ma'ani Asad mahmil-nasheen-e-raaz hai
Naghma hai kaanon mein us ke nala-e-murgh-e-aseer
Rishta-e-pa yaan nawa-samaan-e-band-e-saaz hai
Sharm hai tarz-e-talash-e-intikhab-e-yak-nigah
Iztirab-e-chashm-e-barpa dookhta ghammaz hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں