دل ہی تو ہے نہ سنگ و خشت درد سے بھر نہ آئے کیوں — مرزا غالب
شاعر
دل ہی تو ہے نہ سنگ و خشت درد سے بھر نہ آئے کیوں
دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں
دیر نہیں حرم نہیں در نہیں آستاں نہیں
بیٹھے ہیں رہ گزر پہ ہم غیر ہمیں اٹھائے کیوں
جب وہ جمال دلفروز صورت مہر نیمروز
آپ ہی ہو نظارہ سوز پردے میں منہ چھپائے کیوں
دشنۂ غمزہ جاں ستاں ناوک ناز بے پناہ
تیرا ہی عکس رخ سہی سامنے تیرے آئے کیوں
قید حیات و بند غم اصل میں دونوں ایک ہیں
موت سے پہلے آدمی غم سے نجات پائے کیوں
حسن اور اس پہ حسن ظن رہ گئی بوالہوس کی شرم
اپنے پہ اعتماد ہے غیر کو آزمائے کیوں
واں وہ غرور عز و ناز یاں یہ حجاب پاس وضع
راہ میں ہم ملیں کہاں بزم میں وہ بلائے کیوں
ہاں وہ نہیں خدا پرست جاؤ وہ بے وفا سہی
جس کو ہو دین و دل عزیز اس کی گلی میں جائے کیوں
غالبؔ خستہ کے بغیر کون سے کام بند ہیں
روئیے زار زار کیا کیجیے ہائے ہائے کیوں
Dil hi to hai na sang-o-khisht dard se bhar na aaye kyon
Dil hi to hai na sang-o-khisht dard se bhar na aaye kyon
Ro'enge hum hazaar baar koi humein sata'e kyon
Dair nahin Harm nahin dar nahin aastaan nahin
Baithe hain rahguzar pe hum ghair humein utha'e kyon
Jab woh jamal-e-dil-furoz surat-e-mahr-e-neemroz
Aap hi ho nazzara soz parde mein munh chhupa'e kyon
Dushna-e-ghamza jaan-sitaan nawak-e-naz be-panah
Tera hi aks-e-rukh sahi saamne tere aaye kyon
Qaid-e-hayaat-o-band-e-gham asal mein donon ek hi hain
Maut se pehle aadmi gham se nijaat pa'e kyon
Husn aur is pe husn-e-zan rah gayi bawa-e-hawas ki sharm
Apne pe e'timaad hai ghair ko aazma'e kyon
Wan woh ghuroor-e-izz-o-naz yan ye hijab-e-pas-e-waz'a
Rah mein hum milein kahan bazm mein woh bula'e kyon
Haan woh nahin Khuda-parast jao woh be-wafa sahi
Jis ko ho deen-o-dil azeez us ki gali mein ja'e kyon
Ghalib khasta ke baghair kaun se kaam band hain
Ro'iye zaar zaar kya kijiye haay haay kyon
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں