دل مرا سوز نہاں سے بے محابا جل گیا — مرزا غالب
شاعر
دل مرا سوز نہاں سے بے محابا جل گیا
دل مرا سوز نہاں سے بے محابا جل گیا
آتش خاموش کی مانند گویا جل گیا
دل میں ذوق وصل و یاد یار تک باقی نہیں
آگ اس گھر میں لگی ایسی کہ جو تھا جل گیا
میں عدم سے بھی پرے ہوں ورنہ غافل بارہا
میری آہ آتشیں سے بال عنقا جل گیا
عرض کیجے جوہر اندیشہ کی گرمی کہاں
کچھ خیال آیا تھا وحشت کا کہ صحرا جل گیا
دل نہیں تجھ کو دکھاتا ورنہ داغوں کی بہار
اس چراغاں کا کروں کیا کار فرما جل گیا
میں ہوں اور افسردگی کی آرزو غالبؔ کہ دل
دیکھ کر طرز تپاک اہل دنیا جل گیا
خانمان عاشقاں دکان آتش باز ہے
شعلہ رو جب ہو گئے گرم تماشا جل گیا
تا کجا افسوس گرمی ہاۓ صحبت اے خیال
دل بہ سوز آتش داغ تمنا جل گیا
ہے اسدؔ بیگانۂ افسردگی اے بیکسی
دل ز انداز تپاک اہل دنیا جل گیا
دود میرا سنبلستاں سے کرے ہے ہم سری
بسکہ شوق آتش گل سے سراپا جل گیا
شمع رویاں کی سر انگشت حنائی دیکھ کر
غنچۂ گل پرفشاں پروانہ آسا جل گیا
Dil mera soz-e-nihan se be-mahaba jal gaya
Dil mera soz-e-nihan se be-mahaba jal gaya
Aatish-e-khamosh ki manind goya jal gaya
Dil mein zauq-e-wasl-o-yaad-e-yaar tak baqi nahin
Aag is ghar mein lagi aisi ke jo tha jal gaya
Main adam se bhi pare hoon warnah ghafil barha
Meri aah-e-aatashin se bal-e-anqa jal gaya
Arz kije jauhar-e-andesha ki garmi kahan
Kuch khayal aaya tha wahshat ka ke sahra jal gaya
Dil nahin tujh ko dikhata warnah daghon ki bahar
Is charaghan ka karun kya kaar-farma jal gaya
Main hoon aur afsurdagi ki aarzoo Ghalib ke dil
Dekh kar tarz-e-tapak-e-ahl-e-duniya jal gaya
Khanman-e-ashiqan dukan-e-aatish-baaz hai
Shola-roo jab ho gaye garm-e-tamasha jal gaya
Taa kaja afsos garmi-ha-e-sohbat ae Khayal
Dil ba-soz-e-aatish-e-dagh-e-tamanna jal gaya
Hai Asad begana-e-afsurdagi ae be-kasi
Dil za andaaz-e-tapak-e-ahl-e-duniya jal gaya
Dood mera sumbul-istan se kare hai hum-sari
Bas-ke shauq-e-aatish-e-gul se sarapa jal gaya
Sham'a-ruyan ki sar-e-angusht-e-hinai dekh kar
Ghunche-e-gul par-fishan parwana-aasa jal gaya
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں