غافل بہ وہم ناز خود آرا ہے ورنہ یاں — مرزا غالب
شاعر
غافل بہ وہم ناز خود آرا ہے ورنہ یاں
غافل بہ وہم ناز خود آرا ہے ورنہ یاں
بے شانۂ صبا نہیں طرہ گیاہ کا
بزم قدح سے عیش تمنا نہ رکھ کہ رنگ
صید ز دام جستہ ہے اس دام گاہ کا
رحمت اگر قبول کرے کیا بعید ہے
شرمندگی سے عذر نہ کرنا گناہ کا
مقتل کو کس نشاط سے جاتا ہوں میں کہ ہے
پر گل خیال زخم سے دامن نگاہ کا
جاں در ہواۓ یک نگۂ گرم ہے اسدؔ
پروانہ ہے وکیل ترے داد خواہ کا
عزلت گزین بزم ہیں واماندگان دید
مینائے مے ہے آبلہ پائے نگاہ کا
ہر گام آبلے سے ہے دل در تہ قدم
کیا بیم اہل درد کو سختیٔ راہ کا
طاؤس در رکاب ہے ہر ذرہ آہ کا
یارب نفس غبار ہے کس جلوہ گاہ کا
جیب نیاز عشق نشاں دار ناز ہے
آئینہ ہوں شکستن طرف کلاہ کا
Ghafil ba-wahm-e-naz khud-aara hai warnah yan
Ghafil ba-wahm-e-naz khud-aara hai warnah yan
Be-shanah-e-saba nahin turra-e-giyah ka
Bazm-e-qadah se aish-e-tamanna na rakh ke rang
Said za-dam-e-justa hai us damgah ka
Rahmat agar qubool kare kya ba'eed hai
Sharmindagi se uzr na karna gunah ka
Maqtal ko kis nishaat se jata hoon main ke hai
Pur-gul khayal-e-zakhm se daaman-e-nigah ka
Jaan dar-hawa-e-yak nigah-e-garm hai Asad
Parwana hai wakeel tere daad-khwah ka
Uzlat-guzin-e-bazm hain wa-manda-gan-e-deed
Meena-e-may hai aabla-e-pa-e-nigah ka
Har gaam aable se hai dil dar-tah-e-qadam
Kya beem-e-ahl-e-dard ko sakhti-e-rah ka
Ta'us dar-rakab hai har zarra aah ka
Ya Rab nafas ghubar hai kis jalwagah ka
Jaib-e-niyaz-e-ishq nishan-e-dar-e-naz hai
Aaina hoon shikastan-e-tarf-e-kulaah ka
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں