ہم سے کھل جاؤ بوقت مے پرستی ایک دن — مرزا غالب
شاعر
ہم سے کھل جاؤ بوقت مے پرستی ایک دن
ہم سے کھل جاؤ بوقت مے پرستی ایک دن
ورنہ ہم چھیڑیں گے رکھ کر عذر مستی ایک دن
غرۂ اوج بنائے عالم امکاں نہ ہو
اس بلندی کے نصیبوں میں ہے پستی ایک دن
قرض کی پیتے تھے مے لیکن سمجھتے تھے کہ ہاں
رنگ لاوے گی ہماری فاقہ مستی ایک دن
نغمہ ہائے غم کو بھی اے دل غنیمت جانیے
بے صدا ہو جائے گا یہ ساز ہستی ایک دن
دھول دھپا اس سراپا ناز کا شیوہ نہیں
ہم ہی کر بیٹھے تھے غالبؔ پیش دستی ایک دن
Ham se khul jaa_o ba-vaqt-e mai-parastī ek din
Ham se khul jaa_o ba-vaqt-e mai-parastī ek din
Varna ham chheṛeñ ge rakh kar uzr-e mastī ek din
Ġhurra-e auj-e binā-e ālam-e imkāñ na ho
Us bulandī ke nasīboñ mein hai pastī ek din
Qarz kī pīte the mai lekin samajhte the ke haan
Rang lāve gī hamārī fāqa-mastī ek din
Naġhma-hā-e ġham ko bhī ai dil ġhanīmat jāniye
Be-sadā ho jā_e gā ye sāz-e hastī ek din
Dhūl-dhappā us sarāpā-e nāz kā sheva nahīñ
Ham hī kar baiṭhe the Ghalibؔ pesh-dastī ek din
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں