حریف مطلب مشکل نہیں فسون نیاز — مرزا غالب
شاعر
حریف مطلب مشکل نہیں فسون نیاز
حریف مطلب مشکل نہیں فسون نیاز
دعا قبول ہو یا رب کہ عمر خضر دراز
نہ ہو بہ ہرزہ بیاباں نورد وہم وجود
ہنوز تیرے تصور میں ہے نشیب و فراز
وصال جلوہ تماشا ہے پر دماغ کہاں
کہ دیجے آئنۂ انتظار کو پرداز
ہر ایک ذرۂ عاشق ہے آفتاب پرست
گئی نہ خاک ہوئے پر ہواۓ جلوۂ ناز
نہ پوچھ وسعت مے خانۂ جنوں غالبؔ
جہاں یہ کاسۂ گردوں ہے ایک خاک انداز
فریب صنعت ایجاد کا تماشا دیکھ
نگاہ عکس فروش و خیال آئنہ ساز
ز بسکہ جلوۂ صییاد حیرت آرا ہے
اڑی ہے صفحۂ خاطر سے صورت پرواز
ہجوم فکر سے دل مثل موج لرزے ہے
کہ شیشہ نازک و صہبائے آبگینہ گداز
اسدؔ سے ترک وفا کا گماں وہ معنی ہے
کہ کھینچیے پر طائر سے صورت پرواز
ہنوز اے اثر دید ننگ رسوائی
نگاہ فتنہ خرام و در دو عالم باز
Harīf-e matlab-e mushkil nahīñ fusūñ-e niyāz
Harīf-e matlab-e mushkil nahīñ fusūñ-e niyāz
Du'ā qubūl ho yā rab ke umr-e KHizr darāz
Na ho ba-harza biyābāñ-navard-e vahm-e vajūd
Hanūz tere tasavvur mein hai nishīb-o-farāz
Visāl-e jalva-e tamāshā hai par dimāġh kahāñ
Ke dījiye ā_īna-e intizār ko pardāz
Har ek zarra āshiq hai āftāb-parast
Ga_ī na KHāk hue par havā-e jalva-e nāz
Na pūchh vus_at-e mai-KHāna-e junūñ Ghalibؔ
Jahāñ ye kāsa-e gardūñ hai ek KHāk-andāz
Fareb-e san'at-e ī_jād kā tamāshā dekh
Nigāh-e aks-furosh-o-KHayāl-e ā_īna-sāz
Za bas-ke jalva-e saiyād hairat-ārā hai
Uṛī hai safha-e KHātir se sūrat-e parvāz
Hujūm-e fikr se dil misl-e mauj larze hai
Ke shīsha nāzuk-o-sahbā-e ābgīna-gudāz
Asadؔ se tark-e vafā kā gumāñ vo ma'nī hai
Ke khīñchiye par-e tā_ir se sūrat-e parvāz
Hanūz ai asar-e dīd-e nañg-e rusvā_ī
Nigāh-e fitna-KHarām-o-dar do ālam bāz
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں