عشق تاثیر سے نومید نہیں — مرزا غالب
شاعر
عشق تاثیر سے نومید نہیں
عشق تاثیر سے نومید نہیں
جاں سپاری شجر بید نہیں
سلطنت دست بدست آئی ہے
جام مے خاتم جمشید نہیں
ہے تجلی تری سامان وجود
ذرہ بے پرتو خورشید نہیں
راز معشوق نہ رسوا ہو جائے
ورنہ مر جانے میں کچھ بھید نہیں
گردش رنگ طرب سے ڈر ہے
غم محرومئ جاوید نہیں
کہتے ہیں جیتے ہیں امید پہ لوگ
ہم کو جینے کی بھی امید نہیں
Ishq taaseer se naumeed nahin
Ishq taaseer se naumeed nahin
Jaan-sipari shajar-e-bed nahin
Saltanat dast-ba-dast aayi hai
Jaam-e-may khatim-e-Jamshid nahin
Hai tajalli teri saamaan-e-wujood
Zarra be-partau-e-khursheed nahin
Raaz-e-mashooq na ruswa ho jae
Warna mar jane mein kuch bhi bhed nahin
Gardish-e-rang-e-tarab se dar hai
Gham-e-mahroomi-e-jaaveed nahin
Kehte hain jeete hain ummeed pe log
Hum ko jeene ki bhi ummeed nahin
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں