جس جا نسیم شانہ کش زلف یار ہے — مرزا غالب
شاعر
جس جا نسیم شانہ کش زلف یار ہے
جس جا نسیم شانہ کش زلف یار ہے
نافہ دماغ آہوئے دشت تتار ہے
کس کا سراغ جلوہ ہے حیرت کو اے خدا
آئینہ فرش شش جہت انتظار ہے
ہے ذرہ ذرہ تنگئ جا سے غبار شوق
گر دام یہ ہے وسعت صحرا شکار ہے
دل مدعی و دیدہ بنا مدعا علیہ
نظارہ کا مقدمہ پھر رو بکار ہے
چھڑکے ہے شبنم آئینۂ برگ گل پر آب
اے عندلیب وقت وداع بہار ہے
پچ آ پڑی ہے وعدۂ دلدار کی مجھے
وہ آئے یا نہ آئے پہ یاں انتظار ہے
بے پردہ سوئے وادی مجنوں گزر نہ کر
ہر ذرہ کے نقاب میں دل بیقرار ہے
اے عندلیب یک کف خس بہر آشیاں
طوفان آمد آمد فصل بہار ہے
دل مت گنوا خبر نہ سہی سیر ہی سہی
اے بے دماغ آئینہ تمثال دار ہے
غفلت کفیل عمر و اسدؔ ضامن نشاط
اے مرگ ناگہاں تجھے کیا انتظار ہے
Jis ja naseem-e-shaana-kash-e-zulf-e-yaar hai
Jis ja naseem-e-shaana-kash-e-zulf-e-yaar hai
Naafa-e-dimagh-e-aahu-e-dasht-e-tatar hai
Kis ka suragh-e-jalwa hai hairat ko ae Khuda
Aaina farsh-e-shash-jehat intezaar hai
Hai zarra zarra tangi-e-ja se ghubar-e-shauq
Gar daam ye hai wus'at-e-sahra shikar hai
Dil mudda'ee-o-deeda bana mudda'a-alaihi
Nazara ka muqaddama phir ro ba-kaar hai
Chhirkaya hai shabnam aaina-e-barg-e-gul par aab
Ae andaleeb waqt-e-wida'a-e-bahar hai
Pach aa padi hai wa'ada-e-dildar ki mujh se
Wo aaye ya na aaye pe yahan intezaar hai
Be-parda soo-e-wadi-e-Majnun guzar na kar
Har zarra ke naqab mein dil beqarar hai
Ae andaleeb yak kaf-e-khas ba-behr-e-aashiyan
Tufan-e-aamad-aamad-e-fasl-e-bahar hai
Dil mat ganwa khabar na sahi sair hi sahi
Ae be-dimagh aaina-e-timsaal-dar hai
Ghaflat kafeel-e-umr-o-Asadؔ zamin-e-nishat
Ae marg-e-nagahaan tujhe kya intezaar hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں