جنوں کی دستگیری کس سے ہو گر ہو نہ عریانی — مرزا غالب
شاعر
جنوں کی دستگیری کس سے ہو گر ہو نہ عریانی
جنوں کی دستگیری کس سے ہو گر ہو نہ عریانی
گریباں چاک کا حق ہو گیا ہے میری گردن پر
بہ رنگ کاغذ آتش زدہ نیرنگ بیتابی
ہزار آئینہ دل باندھے ہے بال یک تپیدن پر
فلک سے ہم کو عیش رفتہ کا کیا کیا تقاضا ہے
متاع بردہ کو سمجھے ہوئے ہیں قرض رہزن پر
ہم اور وہ بے سبب رنج آشنا دشمن کہ رکھتا ہے
شعاع مہر سے تہمت نگہ کی چشم روزن پر
فنا کو سونپ گر مشتاق ہے اپنی حقیقت کا
فروغ طالع خاشاک ہے موقوف گلخن پر
اسدؔ بسمل ہے کس انداز کا قاتل سے کہتا ہے
کہ مشق ناز کر خون دو عالم میری گردن پر
فسون یک دلی ہے لذت بیداد دشمن پر
کہ وجد برق جوں پروانہ بال افشاں ہے خرمن پر
تکلف خار خار التماس بے قراری ہے
کہ رشتہ باندھتا ہے پیرہن انگشت سوزن پر
یہ کیا وحشت ہے اے دیوانہ پیش از مرگ واویلا
رکھی بیجا بنائے خانۂ زنجیر شیون پر
Junoon ki dastgiri kis se ho gar ho na uryaani
Junoon ki dastgiri kis se ho gar ho na uryaani
Girebaan chak ka haq ho gaya hai meri gardan par
Ba-rang-e-kagaz-e-aatish-zada nairang-e-betabi
Hazaar aaina dil bandhe hai baal yak tapidan par
Falak se hum ko aish-e-rafta ka kya kya taqaza hai
Mata'a-e-burda ko samjhe hue hain qarz rahzan par
Hum aur wo be-sabab ranj-aashna dushman ke rakhta hai
Shua'a-e-mehr se tuhmat-e-nigah ki chashm-e-rozan par
Fana ko saunp gar mushtaq hai apni haqeeqat ka
Farogh-e-tala-e-khaashak hai mauqoof gulkhun par
Asadؔ bismil hai kis andaaz ka qatil se kehta hai
Ke mashq-e-naaz kar khoon do aalam meri gardan par
Fasoon yak-dili hai lazzat-e-bedad-e-dushman par
Ke wajd-e-barq jun parwana baal-afshan hai kharman par
Tukalluf khaar khaar-e-iltimaas-e-beqarari hai
Ke rishta bandhta hai pairahan angusht-e-sauzan par
Yih kya wahshat hai ae deewaana pesh az marg waawaila
Rakhi beja banai-e-khana-e-zanjeer-e-shaiwan par
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں