کب وہ سنتا ہے کہانی میری — مرزا غالب
شاعر
کب وہ سنتا ہے کہانی میری
کب وہ سنتا ہے کہانی میری
اور پھر وہ بھی زبانی میری
خلش غمزۂ خوں ریز نہ پوچھ
دیکھ خونابہ فشانی میری
کیا بیاں کر کے مرا روئیں گے یار
مگر آشفتہ بیانی میری
ہوں زخود رفتۂ بیدائے خیال
بھول جانا ہے نشانی میری
متقابل ہے مقابل میرا
رک گیا دیکھ روانی میری
قدر سنگ سر رہ رکھتا ہوں
سخت ارزاں ہے گرانی میری
گرد باد رہ بیتابی ہوں
صرصر شوق ہے بانی میری
دہن اس کا جو نہ معلوم ہوا
کھل گئی ہیچ مدانی میری
کر دیا ضعف نے عاجز غالبؔ
ننگ پیری ہے جوانی میری
Kab wo sunta hai kahani meri
Kab wo sunta hai kahani meri
Aur phir wo bhi zubani meri
Khalish-e-ghamza-e-khoon-rez na poochh
Dekh khoon-aba-fishani meri
Kya bayan kar ke mera roenge yaar
Magar aashufta-bayaani meri
Hun z-khud rafta paida-e-khayal
Bhool jana hai nishani meri
Mutaqabil hai muqabil mera
Ruk gaya dekh rawani meri
Qadar-e-sang-e-sar-e-rah rakhta hun
Sakht arzan hai girani meri
Gard-e-baad-e-rah-e-betabi hun
Sarsar-e-shauq hai baani meri
Dahan us ka jo na maloom hua
Khul gai hech-e-madani meri
Kar diya za'f ne aajiz Ghalibؔ
Nang-e-peeri hai jawani meri
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں