کبھی نیکی بھی اس کے جی میں گر آ جائے ہے مجھ سے — مرزا غالب
شاعر
کبھی نیکی بھی اس کے جی میں گر آ جائے ہے مجھ سے
کبھی نیکی بھی اس کے جی میں گر آ جائے ہے مجھ سے
جفائیں کر کے اپنی یاد شرما جائے ہے مجھ سے
خدایا جذبۂ دل کی مگر تاثیر الٹی ہے
کہ جتنا کھینچتا ہوں اور کھنچتا جائے ہے مجھ سے
وہ بد خو اور میری داستان عشق طولانی
عبارت مختصر قاصد بھی گھبرا جائے ہے مجھ سے
ادھر وہ بد گمانی ہے ادھر یہ ناتوانی ہے
نہ پوچھا جائے ہے اس سے نہ بولا جائے ہے مجھ سے
سنبھلنے دے مجھے اے نا امیدی کیا قیامت ہے
کہ دامان خیال یار چھوٹا جائے ہے مجھ سے
تکلف بر طرف نظارگی میں بھی سہی لیکن
وہ دیکھا جائے کب یہ ظلم دیکھا جائے ہے مجھ سے
ہوئے ہیں پاؤں ہی پہلے نبرد عشق میں زخمی
نہ بھاگا جائے ہے مجھ سے نہ ٹھہرا جائے ہے مجھ سے
قیامت ہے کہ ہووے مدعی کا ہم سفر غالبؔ
وہ کافر جو خدا کو بھی نہ سونپا جائے ہے مجھ سے
Kabhi neki bhi us ke ji mein gar aa jae hai mujh se
Kabhi neki bhi us ke ji mein gar aa jae hai mujh se
Jafayen kar ke apni yaad sharma jae hai mujh se
Khudaya jazba-e-dil ki magar taaseer ulti hai
Ke jitna kheenchta hun aur khinchta jae hai mujh se
Wo bad-kho aur meri dastaan-e-ishq toolani
Ibarat mukhtasar qaasid bhi ghabra jae hai mujh se
Idhar wo bad-gumani hai idhar ye natavani hai
Na poochha jae hai us se na bola jae hai mujh se
Sanbhalne de mujhe ae na-ummeedi kya qayamat hai
Ke daaman-e-khayal-e-yaar chhoota jae hai mujh se
Tukalluf bar taraf nazargi mein bhi sahi lekin
Wo dekha jae kab ye zulm dekha jae hai mujh se
Hue hain paun hi pehle nabard-e-ishq mein zakhmi
Na bhaga jae hai mujh se na thehra jae hai mujh se
Qayamat hai ke hove mudda'ee ka ham-safar Ghalibؔ
Wo kafir jo Khuda ko bhi na saunpa jae hai mujh se
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں